Madhubahu o ututumiheriya ubani
1 "Nkoorosheke madhubahu o imbau cho n’johoro o ututumiheriya ubani. 6 Madhubahu ayo eeshiyeke uhoolho wo nipaziya, vachereshere Nisanduku no Malhehano ni ikifuniko aya. Vavawo phi nohalha aka uukumaanani. 7 Kila nihuku Naharuni vanohalha aya ukelha uwehawehani ikhandiri, atutumiherelheke ubani wo unukhelha vachulhu madhubahu ayo. 8 Tho, atutumihereke ubani uchechilho vanoparihelha aya ikhandiri. Yeyo isadaka iyo ikumihiyeke mahuku onkhaye wo iyari chinyu chonkhaye wo uheemelha. 10 Nkwaha mmoka kila iyaakha, Naharuni attukurieke inyaka ncheshe cho madhubahu ayo wo iphome ya ashinama akumihiye isadaka yo uthamiha milhatu cho uwonya. Ipangiyeke chiicho iyaakha chonkhaye chinowa. Ukhalhawaya madhubahu ayo matakatifu chinene, uwannyaka mii Apwiiya Nlhuku."