Kitabo chu Kubhoka 20

3 "Mangaijhinami jhe ichapanga henge nambo nenga tugha.

4 "Manganandanikii jhe Chapanga na ichapanga yukubhacha amu chochoha chakibhii kunane kwa Chapanga, hilu chikibhii mu nnema amu umache pahe jha nnema. 5 Mangaijhinamii jhe hilu kuitumikila ichapanga. Nhwalo nenga ndi Bhambo Chapanga gwino jwamii na wiho. Jhunihadabula yana kwa nhwalo gwa uhakaho gwa akatate gwabhe, ade kibheluko chuutato na cha ncheche. 6 Nambo anda mimbala nakamula mihilo jhango, na nenga nanangiya upalo gwango nkolo kwa ibheluko elufo ya bhala bhibhambala, na kukamuu malaghilo ghango."

7 Mangalikema jhe jhajhe liina lya Bhambo Chapanga gwino. Nhwalo nenga Bhambo Chapanga naneka jhe kunhadabula mundo jwalikema liina lyango jhajhe.

8 Mulikomboka Lichiko lya Kupomolela, na mulijhelebhula. 9 Machiko chita nhenga mahengo na ghange. 10 Nambo Lichiko lya chaba, ndi Lichiko lya Kupomolela lya nenga Bhambo Chapanga gwino. Lichiko lyene nkotoka kuhenga lihengo lyolyoha mwenga hilu mwana gwino, hilu kamwale gwino hilu ntumiche gwino munalome amu mwikeghe, hilu kinyama chino cha kukoleka hilu nng’ene jwabhii nkate jha miche jhino. 11 Nhwalo machiko chita nenga Bhambo Chapanga nikapangine kunane kwa Chapanga na nnema na mbwane na yoha yaibhii, yene nikapomolii lichiko lya chaba. Peniya, Bhambo Chapanga ngalipela mota lichiko lya Kupomolela na ngalijhelewila.

12 "Mwatembekeya tate gwino na majhe gwino, nantama machiko twe mu kilambo chinimpela nenga Bhambo Chapanga, Chapanga gwino." 13 "Mangakoma jhe.

14 "Mangatenda jhe ngongola.

15 "Mangajhibha jhe.

16 "Mangalonge jhe uwange kwa nnyino.

17 "Manganoghe jhe nyumba jha nnyino, hilu nhwana mundo, hilu ntumiche gwake munalome amu mwikeghe, hilu ng’ombi jwake hilu maponda ghake na chochoha chabhii nacho nnyino."