Kitabo chu Kubhoka 31

Mapunde bhukutendekeya Lihema lyanyahinyahi

1 Bhambo Chapanga ngannobholila Mucha, 2 "Nenga nihagwii Bezaleli mwana jwa Ule, na nchokolo jwa Ule, jwa likabila lya Yuda, 3 na kuntweleya uhuke gwango. Nimpii malango na umanye na upunde gwa kila namuna, 4 kupala kuumbula mahengo gha upunde na kutendekeya ilebhe ya chaabo na ilebhe ya madine gha feza na shaba. 5 Nimpile upunde kubhacha maghanga gha kulembelekeya nu kughabheka muibate na kuitumii mbau kwa mahengo gha kila namuna na kila umanye gwa upunde.