1 Nuho akibha na yana itato yane Chemo na Amo na Yafete. Pighajhomwikila maheluko gha mache, yana yene ngabhapapita yana twe.

2 Yana inalome ya Yafete ndi henge, Gomele na Maghoghu na Madae na Yavane na Tubale na Meshake na Tilaze. 3 Yana inalome ya Gomale ikibha Ashikenashe na Lifate na Togama. 4 Yana inalome ya Yavane ikibha Elisha na Tarshishi na Kitimo na Lodanimu. 5 Bhamba ndi lihembuko lya bhando panakate jha bhibhajhenda umbwane na mu ilendela, kila bhando na kilonge chabhe na bhikengama ngolo yabhe na ilambo yabhe.

6 Yana ya inalome ya Amu ikibha Kuche na Michile na Puto na Kanaane. 7 Yana inalome ya Kushe ikibha Cheba na Hawila na Chabuta na Laama na Sabutaka. Yana inalome ya Laama ikibha Sheba na Dedane. 8 Kushi ngampapita Nimulode ndi jwakibha lilome jwangajhoghopa kwa makakala ghake pannema. 9 Kwa kutangatilwa na Bhambo Chapanga ngabhila nnumba jwamaha nkolongwa jwa kuyema, ndi mana bhando ulonge luhomo, "Na Chapanga antenda nnumba ngita Nimulode." 10 Miche jhake jhukutumbu mu ulongoche gwake ikibha, Babele na Eleki na Akade na Ku chinale. 11 Peniya, kubhoke kwenio Nimulode ngajhenda ku Achulu ngachenga muche gwa kwenio ku Ninawe na Ku Lehobotile na ku Kala, 12 na muche gwaku Leseme ubhii panakate jha muche gwa ku Ninawe gwene ndi muche nkolongwa gwaku Kala.

13 Yana ya Michile ikibha Akalude na Akaname na Akaleabe na Akaputue, 14 na Akapatuluche na Akachilue kwabhe bheniya ngabhapitila kwa Akafilichite na Akaputole.

15 Yana ya Kaanane ikibha Chidone jhu litibho na Hethi, 16 na helahela Kaanane akibha hokolo gwa Akayebuche na Akaamole na Akagiligache, 17 na Akaive na Akalike na Akasine, 18 na Akaluvade na Akasemale na Akaamate. Peniya, lukolo lwa bhando bha Akakanane ngalupechengina. 19 Mipaka jha kilambo chuku Akaanane ngaitumbwila ku Chidone ade ku Gelale na kujhenda ku Gacha, peniya, ngaijhendilila ade ku Sodoma na ku Gomola na Adima na Cheboimu ade ku Lasha. 20 Henge ndi ibheluko ya Amu kukengama ngolo lyabhe na ilonge yabhe na ilambo yabhe.

21 Shemo ndi akibha nhwacha mundo Yafete, ndi akibha tate jwa Akabulaniya bhoha. 22 Yana ya Shemo ikibha Elamu na Ashulu na Alipakusade na Lude na Alamu. 23 Yana inalome ya Alamu ikibha Usi na Ule na Getale na Mashi. 24 Alupakichade ngampapita Shela na Shela ngampapita Ebele. 25 Ebele akibha na yana inalome ibhele; nkolo akemitwa Pelege, ankemita yene nhwalo machiko gheniya bhando pannema bhakatei kupechengana na jhuubhele akemitwa Yokitane. 26 Yokitane akibha tate jwa Alumadade na Shelepu na Ashalimawete na Yela, 27 na Hadolamu na Ushale na Dikela, 28 na Obale na Abimaele na Sheba, 29 Ofile na Hawila na Yobabu. Henge yoha ikibha yana ya Yokitane. 30 Muilambo ibhatamita ikibha kubhoke ku Mesha ade ku Shefele mu ilambo ya itombe kuupande kulihumii lyobha. 31 Bheniya ndi ibheluko ya Shemo, kukengama makabila ghabhe na ilonge yabhe na ilambo yabhe na ngolo yabhe.

32 Bhamba ndi ibheluko na yana ya Nuho kwa kukengama na ibheluko yabhe mu ilambo yabhe. Kubhoke bheniya, bhando bha ilambo ngaghajhenila pannema poha pughajhomwikila mache twe ghighayekilila nnema.