1 Ghongo ndi ibheluko ya Echau helahela ukemwa Edomu. 2 Echau ngatolila akakeghe bha kilambo chu Kanaane, ngantolila Ada mwana jwa Elone gwa likabila lya Wahite na Ohalibama mwana jwa Anahie mwana jwa Chabulone hele mundo jwa likabila lya Wahive, 3 helahela ghantolila Basemate bite Ichumaile na hele nnombo mundo Nebayote. 4 Ada ngampapila Echau mwana munalome jwakemwa Elifazi na Basemate ngampapila mwana munalome Leuele. 5 Ohalibama ngampapa Yeuchi na Yalamu na Kola. Yenio ndi yana inalome ya Echau yaipapa pakibha atamita kukilambo chuku Kaanane.

6 Yene Echau ngatola akaanamundo na yana mundo, inalome na ikeghe na bhando bhatamita nabho na ng'ombi yake na inyama yake ni ilebhe yapata kukilambo cha ku Kaanane, ngahami chenge kilambo chichikibha kutale na Yakobu. 7 Bhateila yene nhwalo ilebhe yabhe ikajhilokine hake ata bhakanhotwi jhe kutama pamonga mu kilambo chene. Kilambo chibhatamita ngita akaghene jhakakwelite jhe, nhwalo kujholoka kwa inyama yabhe. 8 Yene Echau helahela akemitwa Edomu ngajhenda kutama kukilambo chikwiitombe yuku Seile.

9 Henge ndi ibheluko ya Echau hokolo jwa Edomu bhibhatama kukilambo chiitombe ya ku Seile. 10 Ghanga ndi mahina gha yana inalome ya Echau Elifazi mwana jwa Ada nhwana mundo Echau, Leuele mwana jwa Basemate nhwana mundo Echau. 11 Yana inalome ya Elifazi ikibha Temani na Umale na Zepo na Gatamu na Kenaze. 12 Elifazi akibha mwana jwa Echau jwapapii kwa kilaghe chake liina lyake Timuna. Jwenio ngampapila mwana munalome liina lyake Ameleke. Bhamba ndi bhakibha ichokolo ya Echau kwa nkeghe Ada.

13 Basemate nhwana mundo Echau, ngampapila mwana munalome Leuele. Yana inalome ya Leuele ndi Nahate na Zela na Shama na Miza.

14 Ohalibama nhwanamundo Echau bite Anahe mwana jwa Zabulone, ngampapila yana inalome itato, Yeuchi na Yalamu na Kola.

15 Henge ndi ngolo ihumi kwa Echau, Elifazi mwana jwa litibho ikibha Tamale na Umale na Zepo na Kenaze, 16 na Kola na Gatamu na Ameleke. Bheniya bhoha bhakibha ngolo ya likabila lyabhe ihumila mu kilambo chuku Edomo. Yoha yenio ndi yana inalome ya Echau kwa nhwana mundo Ada.

17 Leuele mwana munalome jwa Echau ngampapa Nahate na Zela na Shama na Miza kila jhumo ngabhila nkolongwa jwa ngolo yabhe. Yene yoha ndi yana inalome ya Echau kwa nhwana mundo Basemete. 18 Ibheluko ya Echau kwa mwikeghe Ohalibama, kila jhumo ngabhila nkolo jwa ngolo yake, Yeuchi na Jalamo na Kola. Yoha ndi yana inalome ya Ohalibama bite Ana, nhwana mundo Echau. 19 Yene, ndi ibheluko ya Echau kwa liina lenge akemitwa Edomu. Kila mundo akibha nkolo jwa likabila lyake.

20 Henge ndi yana ya Seile likabila lya Muhole bhibhakibha akolo kilambo chaku Edomu Lotane na Shobale na Chibeone na Ana, 21 na Dichone na Eshele na Dichane, kila mundo akibha nkolo jwa ngolo yake panakate jha Akahole bha kibheluko cha Akaseile, mu kilambo chuku Edomu.

22 Henge ndi yana inalome ya Lotane akibha Hole na Hemane na nnombo mundo Lotane akemitwa, Timuna.

23 Yana inalome ya Shobale ikibha, Alovane na Manahate na Ebale na Shepo na Onamu.

24 Zibeone ngapapita yana ibhele, Aya na Ana. Ana ndi yakibhona chembwe cha mache mapyoo kola ku njenga, pakibha achungita maponda gha tatemundo Zibeone. 25 Yana ya Ana ikibha Dishone na nnombo mundo jhumo jwakemitwa Oholibama. 26 Dishone ngapapita yana inalome, Emudane na Eshibane na Itilane na Kelane.

27 Yana inalome ya Ezele ikibha, Biliyane na Sawane na Akane.

28 Yana inalome ya Dishone ikibha Usi na Alane.

29 Bhamba ndi akakolongwa bha ngolo jha Akahole, Lotane na Shobale na Shibeone na Ana, 30 Dishone na Ezele na Dishane. Kila mundo akibha nkolo jwa likabila lyake, mu kilambo chuku Seile.

31 Bhamba ndi akanahota akakolongwa kilambo chuku Edomu, kabula Akaichilahele nu kulongochwa jhe na munahota nkolongwa jhojhoha.

32 Bela mwana jwa Beole, jwenio jwatumbwila alongwicha kilambo chuku Edomu, atamita ku muche chikikemwa Diniaba.

33 Bela pajhomwika, Yobabu mwana jwa Zela kubhoka ku muche gwa Bosela ngabhila munahota nkolongwa.

34 Yobabu pajhomwika, Hushamu kubhoke ku kilambo Akatemane ngabhehe munahota nkolongwa.

35 Hushamu pajhomwika, Hadade mwana jwa Bedade ngabhehe munahota nkolongwa, kitamo chake kikibha ku kilambo cha Awite, jwenio ndi jwabhabulita na kwahotola Midiane mu kilambo chuku Moabu.

36 Hadade pajhomwika, pwache jhake jha unahota nkolongwa ngatola Samula, kubhoka ku muche gwaku Maseleka, ngalongwicha.

37 Samula pajhomwika, Saule kubhoka ku muche gwaku Lehobote, chikibhii pahina na lukemba Efulate ngalongwicha.

38 Saule pajhomwika, Bale Hanane mwana jwa Akibole ngalongwicha.

39 Bale Hanane pajhomwika, Hadale ngalongwicha, kitamo chake kikolongwa kikibha ku Pau, na liina lya nhwana mundo likibha Mehetabele bite Matilede, na nchokolo jwa Mezahabu.

40 Ghanga ndi mahina gha ngolo bhubhahumila kwa Echau, kulongohana na mahina ghabhe, na kilambo chibhahumila na miche ibhalongwicha. Ikibha Timuna na Alova na Yateti, 41 Oholibama na Ela na Pinone, 42 Kenaze na Timane na Mibusale, 43 Magidiele na Ilamu. Bhamba ndi akanahota bha lungolo lwa Edomu. Echau akibha hokolo jwa Edomu. Bhamanyikina kwa miche na ilambo ibhalongwicha.