1 Yakobu ngaikema yanamundo, ngalonge, nkonganike pamonga nanenga mbanonge ilebhe impakumpata machiko ghighaika.

2 "Nkonganike pamonga nnyohe, mangota yana ya Yakobu,

unyokanikiye ne Ichilahele, tate gwino."

3 Mwe ma Leubene ndi malitibho,

makakala ghango nimpapita mungombo gwango.

Mapetite bhange ku ukolongwa na makakala.

4 Mwe anda mache ghamaheluko.

Nambo mibhe jhe kabhele bhakutumbula,

nhwalo nng'olwike na kilaghe chango, mikiakiye kndanda chango!

5 Chimeone na Lawe ndi akalongo,

mapanga ghabhe ndi chilaa yukukomanila.

6 Nambo nenga nanyingi ng'o munginyika yabhe,

Mbahi jhe ndama mungongano yabhe,

mana mu lilaka lyabhe, bhakomite bhando,

na ngabhehekita ncheketa gwa ng'ombi kwa ubhiche gwabhe.

7 Lilaka lyabhe libhekitwe nhwilo, mana likibha likolonga hake,

na lilaka lyabhe lyangakiya.

Nanabhaghanicha mu kilambo cha Yakobu,

nanabhapechengana mu kilambo chuku Ichilahele.

8 Mwe ma Yuda, akalongo bhino nabhannumbalila.

Namapopotola ntandala akamakoko bhino,

na akalongo bhino nabhanyinamila.

9 Mwe ma Yuda nkwete makakala ngita liimba

jwahumii kuyemo ngaombe kunane.

jwakigholwii na kugholoka pahe.

liimba lina makakala, aghane jwapakujhigha kulijhimuya?

10 Mwe ma Yuda nankamula luyato lwa unahota nkolongwa,

na luyato lwa ulongoche mu makongono ghino,

ade papakuika jwanio,

na bhando nabhantembekeya.

11 Nalitabha liponda lyake muchabibo,

na litohe lya liponda lyake mu chabibo gwambone.

Napula ngobho yake mu divaye,

na kanjo jhake mu divaye ngele pyuu.

12 Miho ghake makele kukunywe divaye,

na mino ghake manhuu mbuu kukunywe mabhele.

13 Zabulone natama kumbwane,

kwenio napata pukujhemeke mele.

Kilambo chake nakipakana na Chidone.

14 Ichakale ngita liponda lina makakala,

jwakighoneka panakate jha miigho jhake.

15 Nambo pabhona chehemo jha kupomolela,

na kilambo chupomolela nu kuhalalila,

peniya, najhinama nu kughegha miigho,

nabhaha mmanda kwa lihengo lijhundupaho.

16 Dane nabhahadabula bhando bhake,

ngita makabila ghange ghaku ichilahele.

17 Dane nabhaha ngita lijhoka undela,

lijhoka lina uchongo muupele jha ndela,

jwaluma kiingilo cha falache,

nhwombe falache kugwe luangalagha jhe.

18 Mwe ma Bhambo Chapanga, nende ung'ombole!

19 Gade najhingililwa na bhando bhibhapoka ilebhe,

nambo jwenio nabhakengama unyuma na kwajhingilila.

20 Nnema ghu kilambo cha Ashele naupiya mahuno mbwe,

na jwenio nampela chakulya chikihalala kwa munahota nkolongwa.

21 Nafutale ngita oloko jwalekekiwe,

jwapapa yana inakuhalala.

22 Uchupo ngita nkongo ghupambika,

nkongo ghupambika paupele jha chembwe,

ndabhii yake ilandalii mumapamanda. 23 Akamakoko bhake nabhambula hake,

ngabhannyekeya mahonga nu kunchumbuya hake.

24 Nambo upende gwake ubhii nganganga mumabhoko ghake,

na mabhoko ghake ghabhii na makakala,

kwa uhotolo gwa Jhuna Makakala Chapanga jwa Yakobu,

kwa liina lya Nnucha jhe, Lindalabho lya Ichilahele.

25 Kwa nhwalo gwa Chapanga jwa tate gwino jwapakuntangatila,

kwa Chapanga jhuna makakala jwapakukuchulila,

mma na mota jha hula kubhoke kunane kwa Chapanga,

mota jha mache ya ilendela ibhii pahe,

mota jha akakeghe kubhelukana kwa na mota ya ipugho kubhehe ndii.

26 Tate gwino ampe mota mbwe kupeta mota ibhoke muitombe ya makacho,

kupeta ilebhe yambone ibhonekana kupeta itombe ya makacho.

Mota jhenio ibhaha pamuto gwa Uchupo,

panane jha lototohi lwake jwabhii kwa panakate jha akalongo mundo.

27 "Benjamine ndi ngita limehe likale,

lukela alye yakomita kilo,

na kimiye ibhenga nu kubhaghana chayemita."

28 Gheniya ndi makabila kome na mabhele ghuku Ichilahele, na gheniya ndi malobhe ghalongila tategwabhe pabhapila mota, kila mundo ngampila mota ngita chiipalitwa.

29 Peniya, Yakaobu ngailaghila yana mundo, kulonge, "Nenga mandikii kujhomoka nyenda kukokongana na bhando bhango. Unjika pamonga na akanahota ajhango mu likwembe lilibhii mughonda gwa Efulaimo, mundo jwa likabila lya Wahite, 30 kwenio ku Makipela, upande ghulihumii lyobha gwa Mamule mukilambo chuku Kaanane. Ulaimo akahemi nkwembe na nng'onda gwenio kwa Efulaimo, mundo jwa likabila lya Wahite libhehe lyake lyukuchikila. 31 Kwenio ndi kwachikilwe Ulaimo na Sala nhwana mundo, na kwachikilwe Ichaka na Lebeka nhwana mundo, kwenio ndi kwachikilwe Leya. 32 Nng'onda gwenio na nkwembe gwake, ukahemilwe kwa Akahite." 33 Yakobu pajhomolila kwalaghalikiya yana yake, ngagholwila makongono ghake pakindanda, peniya, ngajhomwika.