1 un ich hob gezen, ersht oif dem himel vos ibern kop fun di kruvim hot zich bavizn azoi vi sapirshtein, azoi vi dos oiszen fun der geshtalt fun a tron iber zei. 2 un er hot geredt tsu dem man vos iz geven ongeton in lainen, un er hot gezogt: gei arain tsvishn di reder, unter dem kruv, un fil on daine hoifns mit faierkoiln fun tsvishn di kruvim, un tu a vorf oif der shtot.

iz er araingegangen far maine oign. 3 un di kruvim zainen geshtanen rechts fun hoiz, ven der man iz araingegangen; un a volken hot ongefilt dem ineveinikstn hoif. 4 un di pracht fun Hashem hot zich oifgehoibn fun iber dem kruv tsum shvel fun hoiz; un dos hoiz iz ongefilt gevorn mitn volken, un der hoif iz geven ful mit dem shain fun G-ts pracht. 5 un dos geroish fun di fliglen fun di kruvim hot zich gehert bizn oisenveinikstn hoif, azoi vi der kol fun El Shaddai, ven er redt.

6 un es iz geven, vi er hot bafoiln dem man vos iz geven ongeton in lainen, azoi tsu zogn: nem faier fun tsvishn di reder, fun tsvishn di kruvim, azoi iz er araingegangen, un hot zich geshtelt lebn a rod. 7 un der kruv hot oisgeshtrekt zain hant fun tsvishn di kruvim tsu dem faier vos tsvishn di kruvim, un er hot oifgehoibn un gegebn in di hoifns fun dem ongetonenem in lainen; un der hot es genumen, un iz aroisgegangen. 8 un es iz dos oiszen fun di kruvim di geshtalt fun a mentshns hant unter zeyere fliglen.

9 un ich hob gezen, ersht fir reder zainen lebn di kruvim, ein rod lebn ein kruv, ein rod lebn ein kruv; un dos oiszen fun di reder iz geven azoi vi der onblik fun tarshish-stein. 10 un zeyer oiszen: ein geshtalt iz geven bai zei fir, azoi vi es volt zain a rod in a rod. 11 az zei zainen gegangen, zainen zei gegangen tsu zeyere fir zaitn: zei hobn zich nisht umgedreit bai zeyer gein, naiert tsum ort vuhin der kop iz geven gekert, noch im zainen zei gegangen; zei hobn zich nisht umgedreit bai zeyer gein. 12 un zeyer gantser laib, un zeyer rukn, un zeyere hent, un zeyere fliglen, un di reder, zainen geven ful mit oign rund arum – zeyere reder bai zei fir. 13 di reder, zei hot men ongerufn der galgal in maine oiern. 14 un fir penemer zainen bai itlechn geven: ein ponem der ponem fun a kruv, un der tsveiter ponem der ponem fun a mentshn, un der driter der ponem fun a leib, un der firter der ponem fun an odler.

15 un di kruvim hobn zich oifgehoibn. dos iz geven di chaye vos ich hob gezen baim taich Kevar. 16 un az di kruvim zainen gegangen, zainen gegangen di reder lebn zei, un az di kruvim hobn oifgeshtelt zeyere fliglen zich oiftsuheibn fun der erd, hobn oich di reder zich nisht opgedreit fun lebn zei. 17 az yene zainen geshtanen, zainen di geshtanen, un az yene hobn zich oifgehoibn, hobn zei zich oifgehoibn mit zei, vorem der gaist fun der chaye iz geven in zei.

18 un di pracht fun Hashem iz avek fun dem shvel fun hoiz, un hot zich geshtelt oif di kruvim. 19 un di kruvim hobn oifgeshtelt zeyere fliglen, un hobn zich oifgehoibn fun der erd far maine oign bai zeyer aroisgein, un di reder baglaich mit zei; un zei hobn zich geshtelt baim aingang fun mizrech-toier fun Hashems hoiz; un di pracht fun Elokei Yisroel iz geven iber zei fun oiben.

20 dos iz di chaye vos ich hob gezen unter Elokei Yisroel, baim taich Kevar; un ich hob derkent az dos zainen kruvim. 21 tsu fir, tsu fir penemer zainen bai itlechn geven, un fir fliglen bai itlechn, un di geshtalt fun hent fun a mentshn unter zeyere fliglen. 22 un di geshtalt fun zeyere penemer: dos zainen geven di penemer vos ich hob gezen baim taich Kevar, zeyer oiszen un zei gufe. itlecher tsu der zait fun zain ponem zainen zei gegangen.