1 un dos vort fun Hashem iz geven tsu mir, azoi tsu zogn: 2 mentshnkind, zog nevies oif di pastucher fun Yisroel; zog nevies, un zolst zogn tsu zei, tsu di pastucher: azoi hot gezogt Adonoi Hashem: vei, di pastucher fun Yisroel vos hobn gefitert zich alein! darfn nisht di pastucher di shof fitern? 3 dos fets est ir oif, un mit der vol bakleidt ir zich, di fete tut ir shechtn; di shof fitern tut ir nisht. 4 di shlafe hot ir nisht geshtarkt, un di kranke hot ir nisht geheilt, un di tsebrochene hot ir nisht arumgebundn, un di farshtoisene hot ir nisht umgekert, un di farlorene hot ir nisht gezucht, un mit gevalt hot ir geveltikt iber zei, un mit hartikeit. 5 un zei zainen tseshpreit gevorn, vail on a pastuch, un gevorn tsu shpaiz far yetveder chaye fun feld, vail zei zainen tseshpreit geven. 6 hobn geblondzhet maine shof oif ale berg, un oif itlechn hoichn bergel; un ibern gantsn gezicht fun der erd zainen tseshpreit gevorn maine shof, un nisht geven kein freger un kein zucher.

7 derum, ir pastucher, hert dos vort fun Hashem: 8 azoi vi ich leb, zogt Adonoi Hashem, far vor, vail maine shof zainen gevorn tsu roib, un maine shof zainen gevorn tsu shpaiz far yetveder chaye fun feld, vail on a pastuch, un maine pastucher hobn nisht nochgefregt oif maine shof, un di pastucher hobn gefitert zich alein, un maine shof hobn zei nisht gefitert, 9 derum, ir pastucher, hert dos vort fun Hashem: 10 azoi hot gezogt Adonoi Hashem: ze, ich kum tsu di pastucher, un vel monen maine shof fun zeyer hant, un vel zei opshafen fun fitern shof, un di pastucher veln mer nisht fitern zich alein; un ich vel matsl zain maine shof fun zeyer moil, un zei veln mer nisht zain zei tsu shpaiz.

11 vorem azoi hot gezogt Adonoi Hashem: ot bin ich, un ich vel nochfregn oif maine shof, un ich vel zei oifzuchn. 12 vi a pastuch zucht noch zain stade in dem tog vos er iz tsvishn zaine shof di tseshpreite, azoi vel ich nochzuchn maine shof; un ich vel zei matsl zain fun ale erter vos zei zainen tseshpreit gevorn ahin in dem tog fun volken un nebl. 13 un ich vel zei aroistsien fun di felker, un vel zei ainzamlen fun di lender, un vel zei brengen oif zeyer erd; un ich vel zei fitern oif di berg fun Yisroel, bai di shtromen, un in ale voinerter fun land. 14 oif a guter fiterung vel ich zei fitern, un oif di hoiche berg fun Yisroel vet zain zeyer lonke; dortn veln zei hoiern in a guter lonke, un a fete fiterung veln zei zich fitern oif di berg fun Yisroel. 15 ich vel fitern maine shof, un ich vel zei machn hoiern, zogt Adonoi Hashem. 16 di farlorene vel ich oifzuchn, un di farshtoisene vel ich umkeren, un di tsebrochene vel ich arumbindn, un di kranke vel ich shtarkn, un di fete un di shtarke vel ich fartiliken; mit gerechtikeit vel ich zei fitern.

17 un ir maine shof, azoi hot gezogt Adonoi Hashem: zet, ich mishpot tsvishn a lam un a lam, di viders un di bek. 18 vintsik aich vos di beste fiterung fitert ir aich, az dem iberblaib fun aier fiterung tsetramplt ir mit aiere fis? un vos klor vaser trinkt ir, az dos iberike tsekoitikt ir mit aiere fis? 19 un maine shof fitern zich oif vos aiere fis hobn tsetramplt, un trinken vos aiere fis hobn tsekoitikt.

20 derum hot Adonoi Hashem azoi gezogt tsu zei: ot bin ich, un ich vel mishpetn tsvishn dem fetn lam un dem mogern lam. 21 vail mit der zait un mitn aksl shtupt ir, un mit aiere herner shtoist ir, ale shlafe, biz ir hot zei tseshpreit deroisn, 22 derum vel ich helfn maine shof, un zei veln mer nisht zain tsu roib; un ich vel mishpetn tsvishn a lam un a lam. 23 un ich vel oifshteln iber zei ein pastuch vos vet zei fitern – main knecht Dovid; er vet zei fitern, un er vet zei zain tsum pastuch. 24 un ich Hashem vel zei zain far Elokim, un main knecht Dovid nosi tsvishn zei; ich Hashem hob geredt.

25 un ich vel zei shlisn a bris fun sholem, un vel farshtern a beize chaye fun land, un zei veln zitsn in midber in zicherkeit, un shlofn in di velder. 26 un ich vel machn zei un rund arum main barg far a bentshung; un ich vel machn nidern dem regn in zain tsait; gebentshte regns veln dos zain. 27 un der boim fun feld vet gebn zain frucht, un di erd vet gebn ir geveks; un zei veln zain oif zeyer erd in zicherkeit; un zei veln visen az ich bin Hashem, ven ich tsebrech di shtangen fun zeyer yoch, un vel zei matsl zain fun der hant fun di vos arbeten mit zei. 28 un zei veln mer nisht zain a roib far di felker, un di chaye fun land vet zei nisht fartseren; un zei veln zitsn in zicherkeit, un keiner vet nisht shrekn. 29 un ich vel zei oifshteln a flantsung far a shem, un es veln mer nisht zain in land oisgegangene fun hunger, un zei veln mer nisht trogn di shand fun di felker. 30 un zei veln visen az ich Hashem zeyer G-t bin mit zei, un zei, dos hoiz fun Yisroel, zainen main folk, zogt Adonoi Hashem. 31 un ir zait maine shof; di mentshnshof fun main fiterung zait ir; un ich bin Elokeichem zogt Adonoi Hashem.