1 un dos vort fun Hashem iz geven tsu mir, azoi tsu zogn: 2 mentshnkind, zog tsu dem firsht fun Tsor: azoi hot gezogt Adonoi Hashem:

vail dain harts hot zich derhoibn,

un du host gezogt: a G-t bin ich,

di zitsung fun g‑ter tu ich zitsn

in hartsn fun di yamen;

un bist doch a mentsh un nisht a G-t,

nor host gemacht dain harts vi dos harts fun a G-t:

3 bist doch mer chochem fun Danieln,

kein farborgenish hot men fun dir nisht farhoiln!

4 mit dain grois chochme un mit dain seichel

hostu dir ongeshaft a farmeg,

un ongeshaft gold un zilber in daine oitseres.

5 mit dain grois chochme, mit dain handl,

hostu gemert dain farmeg!

un dain harts hot zich derhoibn

fun vegen dain farmeg.

6 derum hot Adonoi Hashem azoi gezogt:

vail du host gemacht dain harts vi dos harts fun Elokim,

7 derum ze, ich breng oif dir fremde,

di forchtikste fun di felker;

un zei veln aroistsien zeyere shverdn

oif dain sheiner chochme,

un zei veln farshvechn dain glants.

8 in grub veln zei dich nidern,

un dem toit fun a dershlogenem vestu shtarbn,

in hartsn fun di yamen.

9 vestu den zogn far dain teiter:

a G-t bin ich?

ven a mentsh un nisht a G-t vestu zain

in der hant fun dain dershloger.

10 dem toit fun umbashnitene vestu shtarbn,

durch der hant fun fremde;

vorem ich hob geredt,

zogt Adonoi Hashem.

11 un dos vort fun Hashem iz geven tsu mir, azoi tsu zogn: 12 mentshnkind, heib oif a klog oif dem melech fun Tsor, un zolst zogn tsu im: azoi hot gezogt Adonoi Hashem:

a getsirklter ziglring bistu geven,

ful mit chochme un farful in sheinkeit.

13 in Eden dem gortn fun Elokim bistu geven;

alerlei taier geshtein iz dain tsudek geven;

rubin, tafaz, un diment,

goldshtein, onikl, un yashpiz,

sapirshtein, garfunkl, un shmorak, un gold,

daine gepaiklte un gelechlte arbet,

zainen in tog fun dain bashafn vern

geven ongebreit in dir.

14 a kruv a breitshiremendiker bistu geven;

un ich hob dich aroifgezetst,

biz du bist oif G-ts heilikn barg geven;

tsvishn faiershteiner bistu umgegangen.

15 gants bistu geven in daine vegen,

fun dem tog fun dain bashafn vern,

biz umrecht iz gefunen gevorn in dir.

16 durch dain grois handlshaft

hot men dich ongefilt ineveinik mit roibung,

un bist zindik gevorn;

derum hob ich dich farshvecht fun G-ts barg,

un dich untergebracht, du shiremendiker kruv,

fun tsvishn di faiershteiner.

17 dain harts hot zich derhoibn fun vegen dain sheinkeit,

host fardorben dain chochme iber dain glants;

hob ich dich oif der erd gevorfn,

far di mlochim dich gegebn,

tsu kukn oif dir.

18 durch daine fil zind,

mit dem umrecht fun dain handl,

hostu farshvecht daine heiliktumen;

derum hob ich gemacht aroisgein fun dir a faier

vos hot dich fartsert,

un ich hob dich gemacht tsu ash oif der erd,

far di oign fun ale vos zeen dich.

19 ale vos kenen dich tsvishn di felker

vern banumen iber dir;

a shrekenish bistu gevorn,

un bist oif eibik nishto.

20 un dos vort fun Hashem iz geven tsu mir, azoi tsu zogn: 21 mentshnkind, tu dain ponem tsu Tsidon, un zog nevies oif ir; 22 un zolst zogn: azoi hot gezogt Adonoi Hashem:

ze, ich kum oif dir, Tsidon,

un ich vel geerlecht vern tsvishn dir;

un zei veln visen az ich bin Hashem,

ven ich tu a mishpot in ir,

un ich vel geheilikt vern in ir.

23 un ich vel onshikn oif ir pest

un blut in ire gasn,

un dershlogene veln faln in ir mit

fun der shverd vos oif ir fun rund arum;

un zei veln visen az ich bin Hashem.

24 un mer vet nisht zain far dem hoiz fun Yisroel a shtechik vildgeveks, un a shmartsiker dorn, fun ale zeyere arumike vos farachten zei; un zei veln visen az ich bin Adonoi Hashem.

25 azoi hot gezogt Adonoi Hashem: ven ich zaml ain dos hoiz fun Yisroel fun di umes vos zei zainen tseshpreit gevorn tsvishn zei, vel ich geheilikt vern durch zei in di oign fun di felker; un zei veln zitsn oif zeyer erd vos ich hob gegebn tsu main knecht, tsu Yaakovn. 26 un zei veln zitsn oif ir in zicherkeit, un zei veln boien haizer, un flantsn vaingertner; yo, zei veln zitsn in zicherkeit, ven ich tu a mishpot oif ale vos farachten zei fun rund arum zei; un zei veln visen az ich bin Hashem zeyer G-t.