1 un dos vort fun Hashem iz geven tsu mir, azoi tsu zogn: 2 mentshnkind, rot a retenish, un gib a Mashal oif dem hoiz fun Yisroel, 3 un zolst zogn: azoi hot gezogt Adonoi Hashem: der groiser odler mit fliglen groise, mit fledern lange, mit federn ful, vos hot alerlei farbn, iz gekumen tsum Levanon, un genumen dem shpits fun tsederboim. 4 dos oibershte fun zaine ritlech hot er opgerisn, un hot es gebracht in a land fun sochrim; in a shtot fun handlslait hot er es aingezetst. 5 un er hot genumen fun dem zomen fun land, un hot es aingeflantst in a fruchtbar feld, gebracht lebn vaser a sach; vi a verbe hot er es aingezetst. 6 un es hot geshprotst, un iz gevorn, an oisgeshpreit vainshtok, niderik in vuks; kedei zaine tsvaign zoln zich kern tsu im, un zaine vortselen zoln zain unter im; un es iz gevorn a vainshtok, un aroisgebracht shtenglech, un aroisgelozt tsvaign.

7 un es iz geven an ander groiser odler mit fliglen groise un federn fil; ersht der doziker vainshtok hot oisgebeigt zaine vortselen tsu im, un oisgeshtrekt zaine tsvaign tsu im fun di beitn fun zain flantsung, kedei er zol im ontrinken; 8 hagam in a gutn feld, lebn vaser a sach, iz er geflantst geven, tsu lozn tsvaign, un tsu trogn frucht, tsu vern a prachtiker vainshtok.

9 zog: azoi hot gezogt Adonoi Hashem: tsi vet er baglikn? vet nisht aroisraisn yener zaine vortselen un zain frucht ophakn, er zol fartriknt vern, ale bleter fun zain shprotsung zoln fartriknt vern? un nisht mit a grois macht un nisht mit fil folk vet er im oisflikn mit zaine vortselen. 10 un iz er shoin aingeflantst, tsi vet er baglikn? far vor, vi der mizrech-vint rirt im on, vet er trukn fartriknt vern; oif di beitn fun zain shprotsung vet er fartriknt vern.

11 un dos vort fun Hashem iz geven tsu mir, azoi tsu zogn: 12 zog akorsht tsu dem vidershpenikn gezindl: veist ir nisht vos di dozike zainen? zog: ot iz gekumen der melech fun Bavel kein Yerushalayim, un hot genumen ir melech un ire harn, un zei gebracht tsu zich kein Bavel. 13 un er hot genumen einem fun kiniglechn zomen, un hot geshlosn mit im a bris, un im gebracht unter a shvue, un di shtarkste fun land hot er avekgenumen; 14 kedei es zol zain a shofle meluche, zich nisht tsu derheibn; tsu hitn zain bris, kedei zi zol bashtein. 15 ober er hot vidershpenikt on im, tsu shikn zaine shluchim kein Mitsrayim, az me zol im gebn ferd un fil folk. zol er baglikn? zol antrunen vern der vos tut dos dozike? zol er farshtern dem bris, un antrunen vern?

16 azoi vi ich leb, zogt Adonoi Hashem, oib nisht in dem ort fun dem melech vos hot im tsum melech gemacht, vemes shvue er hot faracht, un vemes bris er hot farshtert – bai im in Bavel vet er shtarbn! 17 un nisht mitn groisn cheil un mitn fil gezeml vet Pharaoh im baishtein in milchome, ven me shit on an erdval un me boit a baleger-moier, tsu farshnaidn nefoshes a sach; 18 vail er hot faracht di shvue, tsu farshtern dem bris, un ot hot er gegebn zain hant, un hot geton al dos dozike, vet er nisht antrunen vern. 19 far vor, azoi hot gezogt Adonoi Hashem: azoi vi ich leb, main shvue vos er hot faracht, un main bris vos er hot farshtert – oib ich vel es nisht fargeltn oif zain kop! 20 un ich vel farshpreitn oif im main nets, un er vet gefangen vern in main pastke, un ich vel im brengen kein Bavel, un vel zich mishpetn mit im dortn far zain felshung vos er hot gefelsht on mir. 21 un ale zaine antlofene in ale zaine machnus, zei veln faln durchn shverd, un di geblibene veln oif ale vintn tseshpreit vern; un ir vet visen az ich Hashem hob geredt.

22 azoi hot gezogt Adonoi Hashem: un ich alein vel nemen fun hoichn tsedershpits, un vel es ainzetsn; fun zaine oibershte ritlech vel ich a yungs opraisn, un ich alein vel es ainflantsn oif a hoichn un derhoibenem barg. 23 oif dem hoichn barg fun Yisroel vel ich es ainflantsn, un es vet trogn tsvaign, un brengen frucht, un vern a prachtiker tsederboim; un unter im veln ruen ale foiglen fun alerlei fliglen; in shotn fun zaine tsvaign veln zei ruen. 24 un ale beimer fun feld veln visen az ich Hashem hob dernidert dem hoichn boim, derhoicht dem niderikn boim, fartriknt dem faichtn boim, un gemacht blien dem fartrikntn boim; ich Hashem hob geredt un hob geton.