1 un dos vort fun Hashem iz geven tsu mir, azoi tsu zogn: 2 mentshnkind, es zainen geven tsvei froien, techter fun ein muter. 3 un zei hobn mizane geven in Mitsrayim; in zeyer yugnt hobn zei mizane geven; dortn zainen zeyere buzems gedrikt gevorn, un dortn hot men gekvetsht zeyere meidlshe brist.

4 un zeyere nemen zainen geven: di gresere – Oholah, un ir shvester – Oholivah. un zei zainen gevorn maine, un hobn geborn zin un techter. un zeyere nemen: Shomron iz Oholah, un Yerushalayim iz Oholivah.

5 un Oholah hot mizane geven hinter mir, un hot geglust tsu ire libhober, tsu di Ashurim, 6 krigslait ongeton in bloen, duksim un firshtn, sheine yungen ale, riter vos raitn oif ferd. 7 un zi hot avekgegebn ir zoines oif zei, geklibene zin fun Ashur ale; un ale tsu vemen zi hot geglust, hot zi zich farumreinikt mit ale zeyere opgeter. 8 un ir zoines mit Mitsrayim hot zi nisht farlozen, vorem zei zainen mit ir gelegn in ir yugnt, un zei hobn gedrikt ire meidlshe brist, un oisgegosen zeyer zoines oif ir. 9 derum hob ich zi ibergegebn in der hant fun ire libhober, in der hant fun di zin fun Ashur, vos zi hot tsu zei geglust. 10 zei hobn antplekt ir shand; ire zin un ire techter hobn zei tsugenumen, un zi hobn zei mitn shverd geteit; un zi iz gevorn a tsunemenish bai vaiber. azoi hot men geton a mishpot oif ir.

11 un ir shvester Oholivah hot dos gezen, ober zi iz geven fardorbener in ir gelust fun yener, un in ir zoines mer fun der zoines fun ir shvester. 12 tsu di zin fun Ashur hot zi geglust, duksim un firshtn, krigslait ongeton prachtik, riter vos raitn oif ferd, sheine yungen ale. 13 un ich hob gezen az zi iz farumreinikt gevorn – ein veg bai zei beidn. 14 un zi hot noch gemert ir zoines, vorem zi hot gezen mener oisgekritst oif der vant, bilder fun Kasdim getseichnt mit roiter farb 15 ongegurt mit gartelen oif zeyere lendn, mit aropgehangene turbanen oif zeyere kep, mitn oiszen fun eltste ale – di geshtalt fun di zin fun Bavel, vos Kasdim iz dos land fun zeyer geburt. 16 un zi hot tsu zei geglust, vi ire oign hobn zei derzen, un zi hot geshikt shluchim tsu zei kein Kasdim. 17 un di zin fun Bavel zainen tsu ir gekumen tsum libshaftgeleger, un zei hobn zi farumreinikt mit zeyer zoines; un zi iz umrein gevorn fun zei, biz ir zel hot zich opgeeklt fun zei. 18 un az zi hot antplekt ir zoines un antplekt ir shand, hot main zel zich opgeeklt fun ir, azoi vi main zel hot zich opgeeklt fun ir shvester. 19 un zi hot noch gemert ir zoines, zich tsu dermonen on di teg fun ir yugnt, ven zi hot mizane geven in land Mitsrayim. 20 un zi hot geglust tsu zeyere kepsmener, vos fleish fun eizlen iz zeyer fleish, un oisgos fun ferd iz zeyer oisgos. 21 un du host gebenkt noch der shendlechkeit fun dain yugnt, ven me hot gedrikt in Mitsrayim daine brist fun vegen dain yungn buzem.

22 derum, Oholivah, hot Adonoi Hashem azoi gezogt: ze, ich dervek oif dir daine libhober, di vos dain zel hot zich opgeeklt fun zei, un ich vel zei brengen oif dir fun rund arum: 23 di zin fun Bavel, un ale Kasdim, Pekod un Shua un Koa, ale zin fun Ashur mit zei, sheine yungen, duksim un firshtn ale, eltste un barufene, raiter oif ferd ale. 24 un zei veln kumen oif dir in a machne, mit raitvegn un reder, un mit a gezeml felker; mit shild un shild un kiver veln zei zich oisshteln kegen dir rund arum; un ich vel ibergebn far zei dem mishpot, un zei veln dich mishpetn mit zeyere mishpotim. 25 un ich vel onton on dir main kine, un zei veln zich bagein kegen dir mit grimtsorn; dain noz un daine oiern veln zei opshnaiden, un dain iberblaib vet durchn shverd faln; daine zin un daine techter veln zei aveknemen, un dain iberblaib vet fartsert vern in faier. 26 un zei veln dir oiston daine kleider, un tsunemen daine sheine zachn. 27 un ich vel farshtern fun dir dain shendlechkeit, un dain zoines fun land Mitsrayim on, un vest nisht oifheibn daine oign tsu zei, un Mitsrayim vestu mer nisht dermonen.

28 vorem azoi hot gezogt Adonoi Hashem: ze, ich gib dir in der hant fun di vos du host faint, in der hant fun di vos dain zel hot zich opgeeklt fun zei. 29 un zei veln zich bagein kegen dir mit sine, un veln tsunemen dain gantse mi, un veln dich iberlozen naket un hoil; un antplekt vern vet dain zoineshe naketkeit, un dain shendlechkeit, un dain zoines. 30 dos vet men ton tsu dir, far dain nochloifn noch di felker, un vail du host zich farumreinikt mit zeyere opgeter. 31 in dem veg fun dain shvester bistu gegangen, derum vel ich gebn ir kos in dain hant.

32 azoi hot gezogt Adonoi Hashem:

dem kos fun dain shvester vestu trinken,

dem tifn un dem breitn;

vest vern tsu gelechter un tsu shpot;

er iz ful bizn rand.

33 vest mit shikrut un kumer zich onfiln,

mit dem kos fun shrek un dershrekenish,

mit dem kos fun dain shvester Shomron.

34 un vest im trinken un oiszupn,

un vest zaine sherblech tseknakn,

un daine brist vestu raisn;

vorem ich hob geredt, zogt Adonoi Hashem. 35 far vor, azoi hot gezogt Adonoi Hashem: vail du host fargesen on mir, un mich avekgevorfen hinter dain rukn, derum trog du oich dain shendlechkeit un dain zoines.

36 un Hashem hot tsu mir gezogt: mentshnkind, vilstu mishpetn Oholah un Oholivah? to dertseil zei zeyere umverdikeitn. 37 az zei hobn mizane geven, un blut iz oif zeyere hent, un mit zeyere opgeter hobn zei mizane geven, un afile zeyere kinder vos zei hobn mir geborn, hobn zei ibergegebn tsu zei far a shpaiz. 38 noch dos hobn zei geton tsu mir: zei hobn farumreinikt main mikdash in dem eigenem tog, un maine shvotim hobn zei farshvecht. 39 un az zei hobn geshochtn zeyere kinder tsu zeyere opgeter, zainen zei gekumen in main mikdash in dem eigenem tog es tsu farshvechn; yo, ot azoi hobn zei geton in main hoiz. 40 un ir hot oich geshikt noch mener vos zainen gekumen fun der vait, vos vi a sheliech iz tsu zei geshikt gevorn, azoi zainen zei gekumen; di far vemen du host zich gevashn, gefarbt daine oign, un zich ongetsirt mit tsirung. 41 un bist gezesn oif a prachtikn bet, mit a gegreitn tish derbai, un main vairech un main eil hostu aroifgeshtelt deroif. 42 un der kol fun a tsufridenem gezeml iz geven bai ir; un tsu di mentshn fun groisn oilem zainen noch gebracht gevorn di sver fun der midber, un zei hobn ongeton orembender oif zeyere hent, un a sheine kroin oif zeyere kep.

43 hob ich gezogt oif der alt gevorener in niuf: traibt men noch itst oich zoines mit ir? zol zi mit zei un zei mit ir? 44 vorem me iz gekumen tsu ir azoi vi me kumt tsu a froi a zoine; azoi iz men gekumen tsu Oholah un Oholivah di shendleche vaiber. 45 ober gerechte mener, zei veln zei mishpetn mit dem mishpot fun nuftes un dem mishpot fun blutfargiserins; vorem nuftes zainen zei, un blut iz oif zeyere hent.

46 vorem azoi hot gezogt Adonoi Hashem: me vet aroifbrengen oif zei a grois gezeml, un zei machn tsu shoider un tsu roib. 47 un farvorfen mit shteiner vet zei dos gezeml, un zei tsehakn mit zeyere shverdn; zeyere zin un zeyere techter veln zei hargen, un zeyere haizer veln zei in faier farbrenen, 48 un ich vel farshtern shendlechkeit oisn land. un ale vaiber veln a musar nemen, un veln nisht ton azoi vi aier shendlechkeit. 49 un me vet fargeltn aier shendlechkeit oif aich, un di zind fun aiere opgeter vet ir trogn, un ir vet visen az ich bin Adonoi Hashem.