1 un er hot tsu mir gezogt: mentshnkind, vos du gefinst, es, es di dozike megile, un gei red tsu dem hoiz fun Yisroel. 2 hob ich oifgeefent main moil, un er hot mir gegebn esen di dozike megile. 3 un er hot tsu mir gezogt: mentshnkind, dain boich zolstu onshpaizn, un daine ingeveid zolstu onfiln, mit der doziker megile vos ich gib dir.

un ich hob gegesn, un zi iz geven in main moil azoi vi honik in ziskeit.

4 un er hot tsu mir gezogt: mentshnkind, gei kum tsu dem hoiz fun Yisroel, un zolst redn mit maine verter tsu zei. 5 vorem nisht tsu a folk mit a tunkeler shprach un a shverer tsung verstu geshikt, naiert tsu dem hoiz fun Yisroel; 6 nisht tsu felker a sach mit a tunkeler shprach un a shverer tsung, vos du farshteist nisht zeyere verter. far vor, az ich volt dich tsu zei geshikt, voltn zei yo tsugehert tsu dir. 7 ober dos hoiz fun Yisroel veln nisht veln tsuhern tsu dir, vorem zei viln nisht tsuhern tsu mir; vorem dos gantse hoiz fun Yisroel hobn harte shterns un farshaite hertser. 8 ze, ich hob gemacht dain ponem hart akegn zeyer ponem, un dain shtern hart akegn zeyer shtern. 9 vi diment harter fun feldz, hob ich gemacht dain shtern; zolst nisht moire hobn far zei, un nisht angstn far zeyer ponem; vorem a vidershpenik gezindl zainen zei. 10 un er hot tsu mir gezogt: mentshnkind, ale maine verter vos ich vel redn tsu dir, nem arain in dain hartsn, un mit daine oiern her. 11 un gei kum tsu di fartribene, tsu di kinder fun dain folk, un zolst redn tsu zei, un zogn tsu zei: azoi hot gezogt Adonoi Hashem; sai zei veln hern, un sai zei veln farmaidn.

12 un der gaist hot mich oifgehoibn, un ich hob gehert hinter mir a geroish fun a grois resh: geloibt iz di pracht fun Hashem in zain ort; 13 un dos geroish fun di fliglen fun di chayes zich onrirndik einer on andern, un dos geroish fun di reder baglaich mit zei – a geroish fun a grois resh. 14 un der ruach hot mich oifgehoibn, un hot mich avekgenumen; un ich bin gegangen a farbiterter in main heis gaist, un di hant fun Hashem iz geven shtark oif mir. 15 un ich bin gekumen tsu di fartribene kein Tel-Aviv, vos zainen gezesn baim taich Kevar, un ich bin gezesn vu zei zainen gezesn; un ich bin dortn gezesn zibn teg a banumener tsvishn zei.

16 un es iz geven tsum sof fun zibn teg, iz geven dos vort fun Hashem tsu mir, azoi tsu zogn: 17 mentshnkind, a vechter hob ich dich gemacht far dem hoiz fun Yisroel, un az du vest hern fun main moil a vort, zolstu zei vorenen fun mir. 18 az ich zog tsu dem shlechtn: shtarbn muztu shtarbn; un du host im nisht gevornt, un nisht geredt tsu vorenen dem shlechtn fun zain shlechtn veg, kedei er zol lebn, vet er, der shlechter, shtarbn far zain zind, un zain blut vel ich monen fun dain hant. 19 ober oib du host gevornt dem shlechtn, un er hot zich nisht umgekert fun zain shlechtikeit, un fun zain shlechtn veg, vet er shtarbn far zain zind, un du host matsl geven dain nefesh. 20 un az der gerechter kert zich op fun zain gerechtikeit, un er tut umrecht, vel ich leign a shtroichlung far im; er vet shtarbn. vail du host im nisht gevornt, vet er shtarbn far zain chet, un zaine gerechtikeitn vos er hot geton, veln nisht dermont vern, un zain blut vel ich monen fun dain hant. 21 ober oib du host im gevornt, dem gerechtn, az der gerechter zol nisht zindikn, un er hot nisht gezindikt, vet er blaibn lebn, vail er hot zich gelozt vorenen, un du host matsl geven dain nefesh.

22 un di hant fun Hashem iz dortn geven oif mir, un er hot tsu mir gezogt: shtei oif, gei arois tsum tal, un dortn vel ich redn mit dir. 23 bin ich oifgeshtanen, un bin aroisgegangen tsum tal, ersht di pracht fun Hashem shteit dortn, azoi vi di pracht vos ich hob gezen baim taich Kevar; un ich bin gefaln oif main ponem. 24 un der gaist iz arain in mir, un hot mich oifgeshtelt oif maine fis; un er hot mit mir geredt, un hot tsu mir gezogt: kum farshlis zich in dain hoiz. 25 un du mentshnkind, ze, me tut aroif oif dir shtrik, un me vet dich bindn dermit, un vest nisht aroisgein tsvishn zei. 26 un dain tsung vel ich baheftn on dain gumen, kedei zolst shtum zain, un zolst zei nisht zain a baal-muchich; vorem a vidershpenik gezindl zainen zei. 27 ersht ven ich red mit dir, vel ich efenen dain moil; un zolst zogn tsu zei: azoi hot gezogt Adonoi Hashem: der vos vil hern, zol hern, un der vos vil farvorfen, zol farmaidn; vorem a vidershpenik gezindl zainen zei.