1 un dos vort fun Hashem iz geven tsu mir, azoi tsu zogn: 2 un du mentshnkind, vilstu mishpetn, vilstu mishpetn di blutike shtot? to loz zi visen ale ire umverdikeitn. 3 un zolst zogn: azoi hot gezogt Adonoi Hashem: du shtot vos fargist blut in ir mit, kedei ir tsait zol kumen, un macht bai zich opgeter, umrein tsu vern, 4 mit dain blut vos du host fargosen, hostu zich farshuldikt, un mit di opgeter vos du host gemacht, bistu umrein gevorn, un host dernentert daine teg, un bist gekumen tsu daine yorn; derum hob ich dich gegebn tsu shand bai di felker, un tsu shpot bai ale lender. 5 nonte un vaite fun dir veln shpotn fun dir, du mitn umreinem nomen, du filtumldike.

6 ze, di firshtn fun Yisroel, itlecher loit zain orem, zainen in dir geven kedei blut tsu fargisen. 7 foter un muter hot men gringgeshatst in dir, kegen fremdn hot men zich bagangen mit roib in dain mit, a yosem un an almone hot men gekrivdet in dir. 8 maine heilikeitn hostu faracht, un maine shvotim hostu farshvecht. 9 rechiles-traiber zainen geven in dir kedei blut tsu fargisen; un oif di berg hot men gegesn bai dir: shendlechkeit hot men geton in dain mit. 10 dem foters shand hot men antplekt in dir, an umreine in ir opzunderung hot men geshendt in dir. 11 un itlecher mit zain chavers vaib hot umverdikeit bagangen, un itlecher hot zain shnur farumreinikt, mit shendlechkeit, un itlecher hot zain shvester, di tochter fun zain foter, geshendt in dir. 12 shochad hot men genumen in dir kedei blut tsu fargisen, tsindzn un merung hostu genumen, un barisn daine chaverim durch roib, un on mir hostu fargesen, zogt Adonoi Hashem.

13 derum ze ich hob geklapt main hant vegen dain umerlechn gevin vos du host gemacht, un oif dain blutikeit vos iz in dir geven. 14 vet dain harts bashtein, tsi veln daine hent shtark zain, in di teg vos ich rechn zich mit dir? ich Hashem hob geredt, un vel ton. 15 un ich vel dich tseshpreitn tsvishn di felker, un vel dich tsevarfn in di lender, un ich vel farlendn dain umreinkeit fun dir. 16 un vest farshvecht vern durch zich alein far di oign fun di felker, un vest visen az ich bin Hashem.

17 un dos vort fun Hashem iz geven tsu mir, azoi tsu zogn: 18 mentshnkind, dos hoiz fun Yisroel zainen mir gevorn tsu psoles, zei ale zainen kuper un Tsin un aizn un blai in dem shmeltsoivn; psoles fun zilber zainen zei. 19 derum hot Adonoi Hashem azoi gezogt: vail ir zait ale tsu psoles gevorn, derum zet, ich zaml aich ain in Yerushalayim. 20 azoi vi me zamlt ain zilber un kuper un aizn un blai un Tsin in a shmeltsoivn, tsu blozn deroif faier, kedei tsu tseshmeltsn, azoi vel ich aich ainzamlen in main kaas un in main grimtsorn, un vel aich arainleigen un tseshmeltsn. 21 yo, ich vel aich tsunoifklaibn, un vel blozn oif aich mit dem faier fun main tsorn, un ir vet tseshmoltsn vern drinen. 22 azoi vi zilber vert tseshmoltsn in a shmeltsoivn, azoi vet ir tseshmoltsn vern drinen; un ir vet visen az ich Hashem hob oisgegosen main grimtsorn oif aich.

23 un dos vort fun Hashem iz geven tsu mir, azoi tsu zogn: 24 mentshnkind, zog tsu ir: bist a land vos iz nisht gereinikt, nisht baregnt gevorn in tog fun tsorn. 25 der bunt fun ire neviim in ir mit iz vi a brumiker leib vos fartsukt roib; nefoshes hobn zei fartsert, shatsn un taiere zachn nemen zei tsu, ire almones hobn zei gemert in ir. 26 ire koyanim hobn farbrochn kegen main toyre, un farshvecht maine heilikeitn; tsvishn heilik un umheilik hobn zei nisht opgesheidt, un tsvishn rein un umrein hobn zei nisht tsu visen geton, un fun maine shvotim hobn zei farhoiln zeyere oign, un ich bin farshvecht gevorn tsvishn zei. 27 ire harn tsvishn ir zainen vi velf vos fartsukn roib; tsu fargisen blut, umtsubrengen nefoshes kedei tsu gevinen gevin. 28 un ire neviim hobn zei ongeshmirt tink; zei zeen falshkeit un vorzogen zei lign. zei zogn: azoi hot gezogt Adonoi Hashem, ven Hashem hot nisht geredt. 29 dos folk fun land hot gedrikt mit gevalt, un gegzlt gzeile, un dem oreman un dem evyon hobn zei gekrivdet, un dem fremdn hobn zei gedrikt mit umrecht. 30 un ich hob gezucht tsvishn zei a man vos zol arumtsamen a tsam, un zich shteln far mir in dem broch faran land, az ich zol es nisht umbrengen; ober ich hob nisht gefunen. 31 derum hob ich oisgegosen oif zei main tsorn; mit dem faier fun main grimtsorn hob ich zei farlendt: zeyer veg hob ich fargoltn oif zeyer kop, zogt Adonoi Hashem.