10 Aba tafurieidun Ana ténpulurugu tídangiñe sun tanigi ayahuaheina lau igarigu lun Wabureme. 11 Ábati füramase tan Ana lun Wabureme tariñaga lun:
—Bungiu Sunti gabafu; ánhana agudemeda bun lun bíchugun aba irahü nun, nederegerubei lun leseriwidun bun lidan sun libagari, ani masarúnbei lídiburi, ligíaba seini luagu anuadirúaali lan lun leseriwidun bun.
20 Ábati tadageinadun Ana, dan le lagunfulirunbei dan, aba tagaraüdün aban wügüri irahü, aba tíchugun Samueli luagu, ladüga tamuriahan lan luma Bungiu.
27 Namuriahaña meha luma Wabungiute lun líchuguni irahü le nun, ani ru laali nun. 28 Nuguya luéigiñe nóubadina, anúadira naali lun Bungiu, ani anuadirúañu luba lun Wabureme lidan sun libagari.
Ábati láhuduragun Elí ligibugiñe Wabureme, dagá lerebe múarugu.