3 Larugan binaafin, dan le hayabin Asüdóduna, aba hadariruni Dagón múarugu turugabu lubagüsina lidaradun Wabungiute. Ábati habuduni Dagón, ábaya híchuguni lidoun lubara. 4 Gama lumoun danya le hayabin larugan binaafin, ábaya hadariruni Dagón múarugu turugabu lubagüsina lidaradun Wabungiute. Bóuguaali lábulugu, halagua biángubei larüna, ñeinñein lábulugu luma biángubei larüna bénabu. Lúguburügüñein eredera dayarügü.
6 Lárigiñe aba labeichaguniña Wabungiute lílana Asüdódu saragu, aba labuinchagüdüniña lau anufudei lau lasandiragüdüniña lau tumoru.