15 Larugan binaafin, aba lásaarun lubúein Eliséu, dan láfuridunbei, ligía larihiniña súdaragu hagía geyegua hamá lan uburugu hau gabayu tuma karü lánina wuribu; ábati lidin ariñaga lun Eliséu:

—Kábagia wadüga guentó, máisturu?

16 Lariñaga Eliséu lun:

—Manufudedabá, ladüga gíbetimatiña ha wámagiñebaña sügǘ hau ha hámagiñebaña.

17 Aba lafurieidun Eliséu lun Bungiu, lariñaga:

—Ayumuraguatina bun Nabureme, lun béfegechuni lagu lun larihin

Ábati léfegechuni Bungiu lagu lubúein Eliséu, aba larihin saragu gürigia hawagutiña gabayu tuma karü lautu watu gemeti geyegu lau Eliséu.