Yesu an’dahitsa ndongwa tsa kuvatanga vanu vanji
1 Yesu akendelelaje kulonga, "Mwiyangalilaje, mulekaje kudita wuwuya wenyu hamiho ga vanu ili vavalole, kwasawuli manyi mudite ihyo simukupelwa chifunje na Dada va Kilanga. 2 Ihyo ho munguvatanga vanu vanji mulekaje kutangatsa kota fyo vaditaga vanu vapunganitsi, mu nyumba tsa kitang’anila Vayawudi kwa kugana kutsumilwa na vanu. Ntsinguvalonjela wukweli kuta iwo mwanga vanuchilye chifunje. 3 Lechelelo henye manyi mungumutanga chinu munu mugayu, muditaje ihyo nambe munu vako va habehi alekaje kutsela. 4 Ihyo lulongwa ulo lukuva lufiho kwako, na Dada vako yo alolaga cho udisile kulufiho, akukuditila wuwuya."
Lukasi 11:2-4
6 Lechelelo heve ho ukuva unsala, winjilaje mu chumba chako na udindaje lwitsi, iho ho umusuche Dada vako yoali kulufiho, na mwene yo alolaga kulufiho akukupela chifunje chako."