ಆದಿಕಾಂಡ 1

20 ಇನಕೇಡೆಥು ದೇವ್‌ನೆ, ಕೈಯೇಕ್‌ಥರಾನು ಪಾಣಿನು ಜ಼ಂತ್ ಪಾಣಿಮ ಭರೈಜಾ಼ವಾದೆ; ಜಿನಾವರ್‌ಖ್ಹಾರು ಆಬ್‌ಮ ಉಡಾದೆ" ಕರಿ ಬೊಲ್ಯೊ. 21 ಅಮ್ ದೇವ್‌ನೆ ಜಾ಼ಖ್ಹತ್ ಪಾಣಿನ ಜಿವಾನು ನ್ಹಾನ ಮೋಟ ಖ್ಹಾರಿಸ್ ಥರಾನ ಜ಼ಂತ್‌ನಾಬಿ ಉಬ್‌ಜಾ಼ಯೊ. ಅಜು಼ ಹರೇಕ್‌ಥರಾನು ಜಿನಾವರ್‌ನಾಬಿ ಇವ್ಣಿ ಜಾ಼ತ್ನಿ ಪರಕ್ಮ ಉಬ್‌ಜಾ಼ಯೊ. ತದೆ ಇನೆ ಯೊ ಅಖ್ಖಾನ ದೇಖಖ್ಹತರ್ ದೇವ್ನ ಘಣು ಖ್ಹುಷಿಹುಯು. 22 ಆ ನಾಹುಯಿನ್ ದೇವ್ನೆ, "ಪಾಣಿಮ ಛಾತೆ ಜೀವಿಅಖ್ಖು ಭಡಿನ್ ಜಾ಼ಖ್ಹತ್‌ಹುಯಿನ್ ದರ‍್ಯಾವ್ನ ಪಾಣಿಮ ಭರಾವದೆ, ಅಜು ಜಿನಾವರ್‌ಬಿ ಜಾ಼ಖ್ಹತ್ ಹುವಾದೆ" ಕರಿ ಬೋಲಿನ್‌ ಆಶೀರ್ವಾದ್‌ ದಿದೊ. 23 ಅಮ್‌ ಖ್ಹಾಂಜ಼್ ವ್ಹಾಣುಹುಯಿನ್ ಪಾಚ಼್‌ನೊ ದನ್ ಹುಯು. 24 ಇನಕೇಡೆಥು ದೇವ್ನೆ, "ಧರ್ತೀಮಾಥು ಉಬ್‌ಜ್ಯುತೆ ಖ್ಹಾರು ಉಬ್‌ಜಾ಼ದೆ; ಪಾಳನು ಜಾನ್ವರ್‌, ಕೀಡ್‌ಕಮ್‌ಟು, ಝಾಡಿನು ಜಾನ್ವರ್‌ಖ್ಹಾರು, ಇನಿ ಇನಿ ಜಾ಼ತ್ನಿ ಪರಕ್‌ ಪೈದಹುವಾದೆ" ಕರಿ ಬೊಲ್ಯೊ. ಇಮ್ಮಸ್‌ ಹುಯು.