ಯೋಸೇಫ ಕೋಣ್‌ಕರಿ ಇನ ಭೈಯೇನ ಮಾಲುಮ್‌ ಕರಾಯೋತೆ
1 ಯೋಸೇಫ ಅನ ಖ್ಹಮ್‌ಜಿನ್ ಇನಾಕನ ಭಿಯರ‍್ಹಾವಳನ ಖ್ಹಾಮ್ಣೆ ದುಖ್ ಖ್ಹಮಾಳನ ಕೊಹೋಯ್ನಿತೆ, ಖ್ಹಾರಾನ ಮಾರಕಂಥು ಭಾರ್ ಮೋಕ್ಲೊ" ಕರಿ ಚಿಕ್‌ರ‍್ಯೊ. ಯೋಸೇಫನೆ ಇನ ನ್ಹಾನಮೋಟ ಭೈಯೇನ ಇನು ಖ್ಹಣೇದ್‌ ಮಳಾನಿತರ ಕರಾನಿ ವೇಳ್ಮ ಬಿಜು಼ ಕೋಣ್ಬಿ ಖನ್ನೆ ಕೋಥೂನಿ. 4 ಅಜು಼ ಯೋಸೇಫನೆ, "ಮಾರ ಖನ್ನೆ ಆವೊ" ಕರಿ ಭೈಯೇನ ಬೋಲಾಖ್ಹತರ್‌ ಇವ್ಣೆ ಖನ್ನೆ ಆಯಾ. ಇನೆ ಇವ್ಣುನ "ಈಜಿಪ್ಟ್ ದೇಖ್ಹ್‌ನ ವೇಚಿನಾಖ್ಯಾತೆ ತುಮಾರೊ ನ್ಹಾನೊ ಭೈ ಯೋಸೇಫ ಮೇಸ್. 5 ಮನ ತುಮೆ ಇಮ್ ವೇಚಿನಾಖ್ಯಾತೆ ಇನಖ್ಹಾಜೆ ವೇಚ಼್‌ಣೆಥಿ ದುಖ್ ನಕೊ ಕರೊ. ದೇವ್ನೆಸ್ ತುಮೂನ ಬಚಾ಼ಡಾನಖ್ಹಾಜೆ ಮನ ತುಮಾರೇಥಿ ಅಗಾಡಿ ಹಜ್ಜಾ಼ ಮೋಕ್‌ಲ್ಯೊ. 15 ಆನಾಹುಯಿನ್ ಇನೆ ಹರೇಕ್ ಮೋಟ ಭೈಯೇನಾಬಿ ಬುಚ್ಚಕರೀನ್‌ ಇವ್ಣುನ ಬಥೈಲೀನ್ ರೋಯೊ. ತದೆ ಇವ್ಣೆ ಇನಿಜೋ಼ಡ್ಮ ವಾತೆಬೋಲ್ಯ.