13 ತದೆ ದೇವ್ನೆ ನೋಹಾನ, "ಮೇ ಖ್ಹಾರಸ್ ಅದ್ಮೆವ್ನ ನೂಛಿನಾಖನ ತೀರ್ಮಾನ್ ಕರಿರಾಖ್ಯೊಸ್; ಶನಕತೊ ಅವ್ಣೇಥಿ ಧರ್ತಿ ಖರಾಬ್ಫನೈಥಿ ಭರೈರ್ಹೂಸ್ ಮೇ ಖ್ಹಾಚಮ ಇವ್ಣುನ ಧರ್ತಿನ ಜೋ಼ಡ್ಮ ನೂಛಿನಾಖುಸ್. 14 ತೂ ತಾರಖ್ಹಾಜೆ ಘಣಮೋಲ್ನ ಝ಼ಾಡ್ಥಿ ಜ಼ಹಾಜ಼್ ಬಣೈಲೆ. ಇನಾಮ ಘಣಾ ಕೋಣರ್ಹೇಣು; ಮಹಿಬಿ ಭಾರ್ಬಿ ಡಾಂಬರ್ ಲಗಾಡ್. 15 ತೂ ಇನ ಕಿಮ್ನಿ ಪರಕ್ಮ ಕರ್ನುಕತೊ ಯೊ ತೀನ್ಖ್ಹೊ ಹಾತ್ ಲಾಂಬುಬಿ, ಅಢೈಖ್ಹ್ ಹಾತ್ ಚೌ಼ಡುಬಿ, ಡೋಡಿಖ್ಹ್ ಹಾತ್ ಊಚು಼ಬಿ ಹುಯಿರೇವ್ಣು. 16 ಇನ ಛ಼ತ್ನ ಹೇಟ್ ಅಶ್ಪಿಶ್ ಎಕ್ ಹಾತ್ ಊಚು಼ ಖೀಂಡ್ ಬಣಾವ್ಣು; ಭೀಡೆ ಬಾಕಲ್ಮ್ಹೇಲ್ನು. ಜ಼ಹಾಜ಼್ಮ ಏಕ್ನಪರ್ ಏಕ್ ತೀನ್ಖನ್ ಬಣಾವ್ಣು.
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)