1 सेमुएल 16

11 तेबे सेमुएले यिशै खे बोलेया, "क्या तेरे सारे माठे आईगे?" तिने बोलेया, "ना, छोटा पाऊ नि आई रा, से तो बणो दे पेडा-बाकरिया चराणे लगी रा।" सेमुएले यिशै खे बोलेया, "तेसखे बुलाई की ल्याओ, कऊँकि जदुओ तक से एती नि आओगा, आसा खाणा खाणे नि बैठणा।" 12 तेबे यिशै कोई माणूं बणो दे पेजी की आपणा सबी ते छोटा पाऊ दाऊद बुलाया। से देखणे दे सुन्दर ओर अट्टा-कट्टा था। तेबे यहोवे सेमुएलो खे बोलेया, "उठी की एसरा अभिषेक कर, ये सेईए।" 13 तेबे सेमुएले आपणा तेलो वाल़ा सींग लई की तेसरे पाईया रे सामणे तेसरा अभिषेक कित्तेया ओर तेस दिनो ते लई की यहोवे रा आत्मा दाऊदो पाँदे तागती ते उतरेया। तेबे सेमुएल उठी की रामा शईरो खे चली गा।