2 राजा 6

15 प्यागा परमेशरो रे पग्तो रा सेवक उठेया ओर निकल़ी की क्या देखोआ कि कोड़े ओर रथा समेत एकी दले शईर केरी राखेया। तेबे तेसरे सेवके तेसखे बोलेया, "हाय! मेरे स्वामी, आसे क्या करुँ?" 16 तिने बोलेया, "डर नि; कऊँकि जो म्हारी तरफा खे ए, से तिना ते जादा ए, जो तिना रिया तरफा खे ए।" 17 ये बोलणे ते बाद एलीशे ये प्रार्थना कित्ती, "ओ यहोवा, एसरिया आखी खोली दे कि ये से देखी सको जो आऊँ देखूँआ।" तेबे यहोवे एलीशा रे सेवको रिया आखी खोली तिया ओर जेबे से देखणे लगेया, तेबे क्या देखेया कि एलीशा रे चऊँ कनारला पाह्ड़ आगी वाल़े कोड़ेया ओर रथा साथे फरेया राए।