Lucas 19

Yesu ekwingila Yelusalemu kwa fihekelelo

28 Yesu peamalile kulonga ago, akavalongola kuhelela ku Yelusalemu. 29 Peali pepi na kufika mufijiji fya Betifage na kijiji kya Betania, pepi na kidunda kyekimemile mibiki gya Miseituni, avalagiche vachulila vake vavili, 30 akavalongie, "Muhelele pa kijiji kyemkiwona. Pemwikwingila mu kijijini ikyo, mukumulola Mwana lipunda awopilwe seakang’aliwe na munu yeyonda, mumdindule na mumlete baha. 31 Munu akuvahucha wuli mkumuwopola, mlongieni, ‘Mtwa akumusaka.’"

32 Suwe, vakahele vakawene kila kinu ngita fila Yesu peakali avalongie. 33 Pevali vakumuwopola yula mwana punda, mtwa munya punda akavahuchile, "Wuli, mkumuwopola mwana punda uyu?"

34 Vachulila vake vamuhigile, "Mtwa akumusaka." 35 Suwe, vakamsindikie Yesu yula mwana punda, vakatandandasile myenda gyawo pamgongo lya punda, vachulila vake vakamtangile kukang’ala pakyanya lyake. 36 Yesu peali ikwendelela na lugendo, vanu vandandasile myenda gyawo mung’asi.

37 Peafikile pepi na Yelusalemu, pa ligema va kidunda kya Miseituni, lipinga likomi lya vanu na vachulila vake vavagile luhekelelo na kumnjuma Nguluvi kwa gala umanyitu gevawonile. 38 Vakali velonga, "Afunywe Ng’achale yelagichwe na Mtwa Nguluvi atavale. Ulutengamaso kuluhano, ukomi pakyanya ku kuluhano!"

39 Vamonga va Vafalisayo vakali pa lila lipinga lya vanu vakamlongie Yesu, "Mvawulanichi, valongele vachulila vako vayigale."

40 Yesu akamuhigile, "Ndikuvalongela, ngita hava davachika, maganga aga gibwatuka."