Lucas 9

38 Munu yumwi mulila lipinga akabwatile, "Muwulanichi! Ndikusuka mnaniche mwana vangu, mwana vangu yeiyena! 39 Mahoka ekumbata na kumgita abwate, ekumgavila kilibisi na ahumilwe mafulofulo mumlomo. Uyo lihoka lihafu likumgudisa hilo na selikumleka kisatu. 40 Ndikavasukile vachulila vako vamheche lihoka lihafu ilyo, ila sevawesile."

41 Yesu akavahigile, "Nyenye kilelo sekidikila na kiwofu! Ndikwikala na nyenye na kuvafumilia mbaka panili?" Baho akamlongie yula munu, "Mletile mwana vako baha." 42 Mdimi uyo peamuhelelie Yesu, yula lihoka lihafu likamgavile kilibisi. Ila Yesu akamlakilila yula lihoka lihafu, akamnaniche yula mwana mdimi na akamuwuyisile kwa daada vake. 43 Vanu vonda vakadudwive na umwimike ukomi va Nguluvi.

Yesu elonga kangi kufua kwa mwene

Vala vanu pevali vave vadudwiva kwa njowo chonda cheagitile Yesu, mwene akavalongie vachulila vake,