1 Ayi ndo mbuli ya walelwa wa Esau, ahyo ndo Edomu. 2 Esau nakahesa wadala Wakanaani, Ada mhinza Eloni Mhiti na Oholibama mhinza wa Ana na kahi mzukulu wa Sibeoni Muhivi 3 na Basemati mhinza wa Ishimaeli, lumbulye Nebayoti. 4 Ada nakampondela Esau Elifasi, na heye Basemati nakampondela Leueli. 5 Oholibama nakampondela Yeushi na Yalamu na Kola. Awo ndo wana wa Esau woyawapatile naloyekale kuli isi ya Kanaani.

6 Hamba Esau nakawahola wachewake na wanage walume na wadala na wanhu weng'ha wa haluga hake, na misenga na migongolo ja heye jinji na vinhu vya heye vyeng'ha navyoyapalile kuli isi ya Kanaani, nakahamila honhu hanji, kutali na mng'holoze Yakobo. 7 Nakadita ahyo kwa vila vinhu vya hewo navyali vinji mbaka nawalemwela kikala hamwe. Isi nayowekale kota wajenzi nayali ndodo kwa winji wa vinhu navyowali navyo na misenga. 8 Ahyo, Esau nakaluta kikala kuli isi ya vidunda vya Seili. Itagwa linji lya Esau ndo Edomu.

9 Ayi ndo mbuli ya wana wa Esau, mhaza wa Edomu kuli vidunda vya Seili. 10 Wana walume wa Esau nawali ndo Elifasi yapondigwe na Ada mchewake, na Leueli yapondigwe na Basemati mchewake yunji. 11 Wana walume wa Elifasi nawali ndo Temani na Omali na Sefo na Gatamu na Kenasi. 12 Elifasi nayali na mhawake itagwa lyake Timuna. Ayu nakampondela mwana itagwa lyake Amaleki. Wano nawali wana wa mchewake Esau nayachemigwe Ada 13 Basemati mchewake Esau, nakamponda Leueli. Wana walume wa Leueli nawali ndo Nahati na Sela na Shama na Misa. 14 Oholibama mhinza wa Ana, mhinza wa Sibeoni, nakampondela Esau wana wadatu, Yeushi na Yalamu na Kola.

15 Awa ndo wakulu wa nhanzi ilawile kwa Esau. Elifasi, nayawele mlelwa wa mwaluko wa Esau nakawaponda Temani na Omali na Sefo na Kenasi 16 na Kola na Gatamu na Amaleki, chila yumwe wa hewo nayali mkulu wa nhanzi ya heye. Awo weng'ha ndo wana wa Elifasi kuli isi ya Edomu, nawalawile kwa Ada mchewake Esau. 17 Leueli, mwanage Esau, nakawaponda Nahati na Sela na Shama na Misa. Chila yumwe nayali mkulu wa nhanzi ya heye. Awo weng'ha ndo wana wa Leueli kuli isi ya Edomu nawalawile kwa Basemati mchewake Esau. 18 Wana wa Oholibama mchewake Esau nawali, Yeushi na Yalamu na Kola, chila yumwe nayali mkulu wa nhanzi ya heye. Awo weng'ha ndo wana wa Oholibama mhinza wa Ana, mchewake Esau. 19 Lelo awo ndo walelwa wa Esau mina ndo Edomu, chila yumwe nayawele mkulu wa nhanzi ya heye.

20 Awa ndo walelwa wa Seili Mholi, na ndo wenyeng'haye wa isi ayo, Lotani na Shobali na Sibeoni na Ana 21 na Dishoni na Eseli na Dishani, chila yumwe nayali mkulu wa nhanzi ya heye mli wala Waholi wa lulelo lwa Seili, kuli isi ya Edomu. 22 Wana walume wa Lotani nawali ndo Holi na Homamu, na lumbulye Lotani nayali yochemigwa Timuna. 23 Wana walume wa Shobali nawali Alivani na Manahasi na Ebali na Shefo na Onamu. 24 Wana walume wa Sibeoni nawali ndo Aya na Ana. Ana nandoyaziwene nzasa za mazi gapwituche kuchiwala, naloyali yodima midogowi ja mhaza wa heye Sibeoni. 25 Wana wa Ana nawali ndo Dishoni na mhinza yumwe itagwa lyake Oholibama. 26 Wana walume wa Dishoni nawali ndo Hemudani na Eshibani na Itilani na Kelani. 27 Wana walume wa Eseli nawali ndo Bilihani na Saawani na Akani. 28 Wana walume wa Dishani nawali Usi na Alani. 29 Lelo awo ndo wakulu wa Waholi, Lotani na Shobali na Sibeoni na Ana 30 na Dishoni na Eseli na Dishani, chila yumwe wa hewo yawele mkulu wa nhanzi ya Waholi kuli isi ya Seili.

31 Awa ndo wandewa wawele nawalongoza kuli isi ya Edomu, mhela Waisilaeli lowawele wang'hali kulongozwa na mndewa yoneche yula. 32 Bela, mwana mlume wa Beoli, nakalongoza isi ya Edomu yawele na ng'handa ya undewa kuli muji ulinguchemigwa Dinihaba. 33 Bela loyabagame, Yobabu mwana mlume wa Sela kulawa kuli muji wa Bosila, nakawa mndewa na kulongoza honhu ha heye. 34 Yobabu loyabagame, Hushamu wa isi ya Watemi, nakawa mndewa na kulongoza honhu hake. 35 Hushamu loyabagame, Hadadi mwana mlume wa Bedadi nakawa mndewa na kulongoza honhu hake, nakekala kuli muji uwele nawali uchemigwa Aviti. Ayu ndo yawatowile na kuwasumya Wamidiani kuli isi ya Moabu. 36 Hadadi loyabagame, Samula kulawa kuli muji wa Masileka, nakawa mndewa na kulongoza honhu hake. 37 Samula loyabagame, Shauli kulawa Lehoboti, muji uwele habehi na lwanda lwa Eyufulate, nakawa mndewa na kulongoza honhu hake. 38 Shauli loyabagame, Baali-hanani, mwana mlume wa Akiboli, nakawa mndewa na kulongoza honhu hake. 39 Baali-hanani loyabagame, Hadadi nakawa mndewa na kulongoza honhu hake na muji wa heye nawali uchemigwa Pau. Mchewake Akiboli nayali yochemigwa Mehetabeli, mhinza wa Matiledi na mzukulu wa Mesahabu. 40 Wakulu wa nhanzi zilawile kwa Esau, kota nhanzi za hewo na honhu hao ha kikala, wali Timuna na Aluva na Yeteti 41 na Oholibama na Ela na Pinoni 42 na Kenasi na Temani na Mibisali 43 na Magidieli na Ilamu. Awo ndo wakulu wa Edomu, wachemigwa kulawa honhu hawo kuli honhu ha isi nazowekale. Esau nayali sekulu wa Waedomu.