ଗୁନ୍ ଲାଏଃକ୍ନେ ସେଲାମ୍ବୁଏଃ
10 ଗୁନ୍ବତି ସେଲାମ୍ବୁଏଃ ଜାଣ୍ଡେଃ ବା ୟାଏ ? ମୁକ୍ତାବାନ୍ ଡିଗ୍ ମେଁନେ ମୁଲ୍ୟ ଜାବର୍ । 13 ମେଁ ମେଣ୍ଡା ଉଗ୍ବଃ ଆରି ମସିନା31:13 ମୁଇଂ ସ୍ଲାନେ ସାରି ଏଃତେ ସିସେ କାଲ୍ ବେଲା ତିଆର୍ ଡିଙ୍ଗ୍ନେ ମୁଇଂ ଜିନିସ୍ । ଗେହେଃ, ତୁର୍ଚେଃ ସାନ୍ତିରେ ନିଜର୍ ନ୍ତି ଏଃତେ କାମ୍ ଡିଂଏ । 14 ମେଁ ବେପାର୍ ଜାଆଜ୍ ରକମ୍; ମେଁ ସ୍ଲବାନ୍ ନିଜର୍ କାଦି ଡୁଙ୍ଗ୍ପାଙ୍ଗ୍ଏ । 15 ଏଲେଡିଗ୍ ମେଁ ଞ୍ଜିର୍ନୁଗ୍ ତଃଡ଼୍ୟାଃଏ ଆରି ନିଜର୍ କୁଟୁମ୍ ସାପାରେନେ ନ୍ସାଃ କାଦି ଆଃରେଏ ଆରି ଚାକର୍ବୁଏଃଇଂକେ ବିନ୍ ବିନ୍ କାମ୍ ବିଃଏ । 16 ମେଁ ଲିଜନେ ସାମୁଆଁ ବୁଜେଚେଃ ଆତେନ୍ ବିଆର୍ଏ, ମେଁ ନିଜେ ଆର୍ଜେକ୍ନେ ଡାବୁ ବିଃଚେଃ ଡୁଗ୍ଡିନିଆ ସ୍ଲା ଉଙ୍ଗ୍ଏ । 17 ମେଁ ବପୁ ଏଃତେ ନିଜର୍ ନ୍ସାଃ ଗାଗ୍ଏ ଆରି ନିଜର୍ ନ୍ତି ବପୁ ଆଃଡିଂଏ । 18 ନିଜର୍ ବେପାର୍ ଜେ ଲାବ୍ ବିଃଏ, ଆକେନ୍ ମେଁ ବୁଜେଏ; ବାରି, ମିଡିଗ୍ ବେଲା ମେଁନେ କୁପିସ ଆଲିଗ୍ ଣ୍ଡୁ । 20 ମେଁ ଦୁକ୍ ରେମୁଆଁଇଂନେ ଆଡ଼ାତ୍ରା ମନ୍ ସାର୍ଦାରେ ବିଃଏ ଆରି ଗରିବ୍ ରେମୁଆଁଇଂନେ ଆଡ଼ାତ୍ରା ନିଜର୍ ନ୍ତି ଆଃଚ୍ଲେଏ । 24 ମେଁ ତୁଲୁଏ ସକାପାଟାଇ ଆଃରେଚେଃ ସଏ, ବାରି, ବେପାରିଇଂନେ ନ୍ତିଅରିଆ ଗ୍ନେଗ୍ସାଃ ସଃଏ ।