Evangelium Matäus 1

Jesus sien Jeschlajchts-Rejista

1 Daut Buak von de Jennerazion von Jesus Christus, de Sän von David, de Sän von Abraham. 2 Abraham haud Isaak; Isaak haud Jakob; Jakob haud Juda un siene Breeda; 3 Juda haud Perez un Zara met de Tamar; Perez haud Hezron; Hezron haud Aram; 4 Aram haud Aminadab; Aminadab haud Nahasson; Nahasson haud Salmon; 5 Salmon haud Boas met de Rahab; Boas haud Obed met de Rut; Obed haud Isai; 6 Isai haud dän Kjennich David. De Kjennich David haud Salomo met Uria siene jewäsne Fru; 7 Salomo haud Rehabeam; Rehabeam haud Abija; Abija haud Asa; 8 Asa haud Josafat; Josafat haud Joram; Joram haud Usija; 9 Usija haud Jotam; Jotam haud Ahas; Ahas haud Hiskia; 10 Hiskia haud Manasse; Manasse haud Amon; Amon haud Josia; 11 Josia haud Jechonja un siene Breeda, en de Tiet aus see no Babelon wajchjefieet worden.

12 No däm see no Babelon wajchjefieet wieren, haud Jechonja Salatiel; Salatiel haud Serubabel; 13 Serubabel haud Abiud; Abiud haud Eljakim; Eljakim haud Asor, 14 Asor haud Zadok; Zadok haud Achim; Achim haud Eliud; 15 Eliud haud Eleasar; Eleasar haud Mattan; Mattan haud Jakob; 16 Jakob haud Josef, Maria äa Maun, von dee Jesus jebuaren wort, dee Christus jenant woat.

17 Soo sent aule Jennerazionen von Abraham bat David vieetieen Jennerazionen; un von David bat see no Babelon wajchjefieet worden, vieetieen Jennerazionen; un von donn aus see no Babelon wajchjefieet worden, bat Christus kjeem, vieetieen Jennerazionen.