Taakkakaa Moyanjuwwiinkaa Maxaafa 4

Solomoonika Beekkuma

29 Mageni Solomooni’a beekkumakannaa lumoshsha yo’oxxa galchecca iittanni abbaayyatike maanchishsha ba’laxxa sammo uwwe. 30 Solomoonik beekkumi borotike mannike beekkumanaa’n yo’oshsha caaleekenna Gibtseke beekkuma duuchchanaa’n sa’ekemmani. 31 Isinna fedheeke manji caala beekkichchakemmani; Ezirahichcho Etaaninaa’n, Maahoolixxa oose Heemaninaa’ninna, Kelqeedinaa’n, iittanni Daari’aa’inaa’n caala beekichchakkemmani; gurri iskinna qarqarake’n hedheeke gosa gosake arda duuchcha’n laqeme.✝4:31 Far. 89. 32 Isinna sase kuma mammassuwwa haaso’e; isixxe faarok laakkoossinna mitte kumanna ondekemman.✝4:32 Mam. 1:1; 10:1; 25:1.