Lucas 21

Manjiink Belti Langaxxa Dagaaxxa

25 Lebeexxi Yessuusi hiyyee qic: «Arishshote’ni, agenjoke’ninna uurijuwwate’n beesisuwwi kadaan. Buttatke gosa gosak ardi abbaayatike luuljonaa’ninna danbala’iinxe ganenshanaa’n kexxeexxa sodaantee wixxirri hinaan.✝21:25 Isa. 13:10; Hiz. 32:7; Iyu. 2:31; Wal. 6:12-13. 26 Manni buttate’n daggaaxxa yaane heqqedhatenaa’n kexxeexxa alayik wekemaan. Eetene yanna iimatixxi daduwwa duuchcha sheke sheke hitaan. 27 Eeten yanna Manjink Belti hunnatinna lumooke ulfinninna duumachchi giddo dagaa wodda isoo anfaan.✝21:27 Dan. 7:13; Wal. 1:7. 28 Tinni yaanuwwa kadatee saffaaxxa yanna ha’nooxxi wodensha shiqqeemmaxxee qokki hitineexxi iimi’a uudde.»