Luqqaasixxaa Wengeele 9

Tommenna Lamiinxe Ergameeyyexxa Ergema

1 Tommenna lamiinxa ergameeyye mitteba ye’eexxi fuggichcha hafuura duuchcha fulchino’a dhukkuba duuchchanna fayyinso’a hunnatanna baallooma insa’ne’a uwwe. 2 Ookkonneechchi uduma Mageniinxa mootummaxxa lallanbo’aanna dhukkulliyye fayyinso’a insa’ne erge. 3 Insa’nenna hiyyee qici, «Ora me’itinaa wodda siqqichchote kaddo’o, subbake kado’o, gala’ate kaddo’o, maallaqake kado’o, jijjiidhatixxe seemmanna midde kaddo’o iyyedha ha’noo hasissabaan.✝9:3 Luq. 10:4-11; Erga. Huj. 13:51. 4 Ookkone qachchinaa’n fuldineexxi me’itnaa qici’a e’yitinemmange siretike hoone mi’ne’ninni ofo’le. 5 Manni ha’noo adhdha gophoole ookkone qachchinaa’n fuldineexxi me’itinaa wodda insa’ne’n dhuga kulate kaddo’a ha’noxxe lekkaxxa buko ganga’nitineexxi fulle.» 6 Tennexxee ergameeyye ookkoo’n fuldeexxi wenegele lallabba’ninna dhukkulliyye fayyissa’n olla’i duuchchi giddo marenda’nemman.