Lucas 9

12 Bogi hashshee wodda tommenna lame ergameeyye Yessuusibaa daggeexxi iso’o, «Kunni he’nee boonchi qiilla gammoojje’ni; tennexxe manni loolake’n hedheeke qachchuwwibaanna qarqarake’n hedheeke olla’uwwiba’anna hadi giddi’a me’eexxi itaachchonna galaaba halso’a me’aashsha assi» hite.

13 Yessuusi kinni insa’ne, «Ha’noo so’iinxa kebbonna insa’ne’a uwwe» hiyye.

Insa’enna iso’n, «No’o’o anfennek onde buddeenanna lame qulxu’me callan; tennexxe marrennexxi ita hiragonphonnole konne ardi duuchchi’a geyabaan» hine. 14 Ookkone mannik laakkoosinna onde kuma qicikemman.

Yessuusinna hordofeeyye ifixxa, «Manni onde tomme kanda’ni bakka abixxe ofo’laashsha asse» hiyye. 15 Hordofeeyyetinna isi insa’ne ajajemmashsha manni offo’laashsha assine. 16 Yessuusinna ookkone onde so’iinxa kebbonna eettene lame qulxu’me aadheexxi iimi’a qokki hiyye uudeexxi Mgeno galateeffate; kukkuteexxenna mannakee qooddo’a hordofeeyyete’n uwwe. 17 Duuchchiing so’iinxa kebbo iteexxi godde; hordofeeyyetinna ardakenaa’n gatteexxa hamba tommenna lame qiricco wo’ma ke’issite.