Mateus 1

20 Tennee yaane hedaa’naa’a Goottiink iimik erganji oojjoti iso’ni leelleexxi, «Koo Daawwitike belto Yooseefii! Kadhatteettexxi Maarami siila’witeek Woyyichchi Hafuuri darree’nite kaddeemmaxxe isee mini’a adhdha sodaattoxxe. 21 Isenna labba belto ildaan; isinna arda cubbotenaa’n anjirammaxxee summa isika Yessuus hite fulchitatton» hiyye.✝1:21 Luq. 1:31.

22 Tinni duuchcha kaddechchi Gootti wabeekichchi darree’n haaso’eemmaxxi muuxendo’aten. Tinninna 23 «Dubarrichchote sila’witaan; labba beltonna ildaan; isik summinna Amaanu’eel hiyyemaan» hiyyendemmaxxeten. Amaanu’eli hiyyanna «Mageni no’onni welti hedheen» hiyyaten.✝1:23 Isa. 7:14. 24 Yooseefi diiphokenaa’n dammaqeexxi Goottiink iimik erganji isoo ajajemmashsha Maaramii’i ifike minibaa adhdhe.*1:24 ifike minibaa adhdhe hiyyaaka hiyyichcho Girkeek hiyyichchi ifixxe are assedhdho’aa adhdhe hitaan 25 Kaddo malee angafa belto ildaa qico’ni isenni welt afemeba’a.*1:25 Isenni welt afemeba’a Aro’tinxanna aretixxa afensha assineba’a hiyyate. Yooseefinna summa isika, «Yessuus» hiyye fulche.