Lucas 1

Masagûlû ga sahûla kûbyalwa kwa Yesû

26 Elisabeti lwabele no limi lya miese mutanda Masalagûlû Gabulieli utuminwe no Kabesha Mpûngû abagale kukibûndê kya kwêtwa nasaleti kûko kû Galilaya. 27 ✝1.27: Mt 1.18kwa nsongwa kasi gûmo musike wakwêtwa Malia musongwe wa muntû gûmo sina lyage Yosefu, wa musoo gwa Daudi. 28 Noge Masalagûlû gamugêlêle Malia gamulombwele, "Lwimu gwe ûwelwe kya buntû! No Kabesha Mpûngû Kolo wêamo nobe!"

29 Mone Malia lwategelele mianda gigyo ûdjembile biiko mu mutêma gwage, wibulishe mianda gino gyalangêsha kêê. 30 Hûao Masalagûlû umulombwele, "Malia, Nokatudjuki; kibalo watambûla kya bûntû kya Kabesha Mpûngû. 31 ✝1.31: Mt 1.21Lola ûsawimite limi no wakabyala mwana wa mwana mulûme, wêkamwinika sina lyage Yesu. 32 ✝1.32 2 Sam 7.12; 13; 16; Isay 9.7Mwana gûdjo wêkaba mukûlû no wêketwa mwana wa wêmwigûlû biiko. Kolo Kabesha Mpûngû sha amuwe kikanwa, kya bûkolo bwa Tata nkûlû wage Daudi, 33 kwanansho wêkabêkala nsese gya Yakobo milemba mbagala; no bûkolo bwage habûkabi no nfulo!"

34 Malia umubulishe masalagulu, "Sagûbe ntêê. Mwanda gûno, Kûba nene, ni musike?"

35 Masalagûlû umuêndwêle, "Mutêma Gûlûmbûlûke, gwêkakûtûkêla no bûkome bwa Kabesha Mpûngû bwêkakuikêla nagwe kinsinsha. Kibalo kikyo mwana wêkabyalwa wêkaba Mulûmbûlûke no wêketwa Mwana wa Kabesha Mpûngû. 36 Manya swaa kwana no Elisabeti. Mbyalwa nobe, noge wagimita limi lya mwana wa mwana mulûme nanso ntêê mukote, no gûno mwesi gwage gwa kûlongolo gee bantû basingûlwêle kwana ni nghumba. 37 ✝1.37: Mub 18.14Kibalo hakûle mwanda gusinyonghokeli kwê Kabesha Mpûngû."

38 "Malia wêndwêle lola nene," ni mwingili wa Kolo nongelwe monka; "molisambêle kûwa galya masalagûlû." Gagêle lwege.