Lucas 19

Yesû no Sakayo

1 Yesû ûtwelile mu kibûndê kya Yeliko, noge ûbele waêta mubûkata bwa kibûndê kikyo. 2 Mubele muntû gûmo mumo mukibûndê witilwe Sakayo kwana ûbele mukûlû wa Bansonkya misonko, no muntû mpeta swa. 3 Ûkebile kumumona Yesû ntê muntû kê, mone kibalo kya bwêngê bwa bantû noge ûbele mwihê hanyonghwene kumumona. 4 Nansho, ûtangêle lûbelo kûgêbwa gya kibûngo kya bantû no kûbanda kumutê gwa kikûdju kibalo anyonghone kumumona, Yesû kibalo ûbele waêtêla hao. 5 Kyaba Yesu aikile hantû alya, ûlwele kwêgûlû umumwene umulombwele: "Sakayo, tûka bûkêlê. Kibalo lêno shambe mwika kû nsese gyobe." 6 Kwanansho, Sakayo utukile bûkêlê bûkêlê umukunkile Yesû kwa mulogo. 7 Bantû bonse lwabamwene nansho babambile kûtompola banine: "Wagya kûba mwika wa muntû wêno bûbê." 8 Mone Sakayo wêmene, umulombwele Yesû: "Tegelela, Kolo! Onkano namamba kwêbaa balanda kiba kya lûheto lwane, no ntê muswininie muntû gegense kintû, nika mwibwêlêlêsha nghendo gina."

9 Yesû umulombwele: "Lêno lûhandêlo lwaika mu nsese gyobe, kibalo gûdjû noge mwana wa Bûlaimu. 10 ✝19.10: Mt 18.10Kibalo Mwana wa Muntû usile kûkeba no kûandia balya basimine."