43 Nfulo mukibûngo kikyo mubele mwana mukasi gûmo ûbele wasûswa no mudjamba sûsa kilêko kya miaka kumi no gibêlê; no ûbele wawakusiminia lûeto lwege, kûbaûndai hamwene muntû wa kumuandia. 44 Gûdjo mwanamukasi umulondile Yesû nghimba, ukumine hêndo lya kishandê kyage lûkwe lûmo wandile mutongo gwa mudjamba sûsa. 45 Yesû ubulishe, "Nani wankûma?"
Bantû bonse lwababengile, Petelo wêsambile: "Kolo, bûngê bwa bantû bwakukwininika."
46 Mone Yesu wêsambile: "Kwêno muntû wankuma, kibalo na mona kwana bûkome bwampima." 47 Gûlya mwana mukasi lwasingûlwêle kwana anyonghoni kwibisêka, wêsogolwele mukûkwaka kwa kahaga ugwilile kûgêbwa kwê Yesû. Hao wêsambile kûgêbwa kwa bantû bonse kibalo kyakê umukumine, no mwahandêle lwendo lûmo. 48 Nfulo Yesû umulombwele, "Nsongwa kasi lwêtabêsho lobe lwakûhandia. Gyata kwa angalê."
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)