1 Mumasure mozvakarezvi ndidonangara, ndokuona musuwo udovhurika kudenga!

Dzinga rokuthanga randidonzva richinyaira nainini rinenge rotsuri, ridoti, "Kwira pano ndikunangidze zvinofanira kuitiwa mumasure mozvakarezvi." 2 Nokamangu ndidova muMweya, ndokuona mupando woushe udogadziwa kudenga, noumwe wanga adogarikika pamupandopo! 3 Iye wanga adogarikika ipopo wanga adofanana noribhwe rinokosha rojasipi norokaneriyoni panga pano utati hudofanana noribhwe roemarodhi hwanga hudopoteredza mupando woushe. 4 Mupando woushe wanga udopoteredzewa nomipando youshe yaiva makumi mairi nominai, uye pamipando youshe yakareyo panga padogarikika vakuru, makumi mairi novanai, vadosimira zvichena, vanokorona dzondarama pamisoro yavo.

5 Nopamupando woushe panga pachivaima mheni, nomazvi nomaungira yokudhirima, futi pamberi pomupando woushe panga pachipfuta mwenje minomwe, inova mweya minomwe yaMwari, 6 futi pamberi pomupando woushe padooneka chinenge gungwa rogirazi, chiri ngwiro kungwerevera.

Papfupi nomupando woushe nopadopoteredza mupando woushe kumativi yese panga panozvisikwa zvipenyu zvinai zvidozara nomeso kumberi nokumasure. 7 Chisikwa chipenyu chokuthanga changa chidofanana nomhondoro, chisikwa chipenyu chochipiri changa chidofanana nodhonza, chisikwa chipenyu chochitatu changa chino chiso chinenge chomunhu, chisikwa chipenyu chochinai changa chidofanana nogondo rinourukha. 8 Pazvisikwa zvipenyu zvinai, chimwe nochimwe changa chinomaphaphiro matanhatu, zvanga zvidozara nomeso kumativi yese nopasi pomaphaphiro. Hazvifemi kuimba masikati nousiku zvichiti,

"Mutsvene, mutsvene, mutsvene, ndiye Ishe Mwari Womasimba yese,

wanga aripo, aripo, noachadzouya."

9 Zvisikwa zvipenyu pese pazvinovikhira kubhwinya nokukudziwa nokutenda kuno wakareyo anogara pamupando woushe, iye anorarama nokusingapere, 10 vakuru vanomakumi mairi novanai vanohwarara pamberi pouyo anogara pamupando woushe vachimunamata iye anorarama nokusingapere, vachibiritsa korona dzavo vachidziisa pamberi pomupando woushe vachiimba vachiti,

11 "Imimi Ishe Mwari wedu mudofanira

kuti muvikhihwe kubhwinya nokukudziwa nomasimba.

Nokuti ndimi mudosika zvinhu zvese,

nokuda kwenyu zvidosikiwa uye zvidovapo."