João 6

6 Yesu kamuuza mbuli iyo Filipo kwa kumgeza, kwa vija kakala kakimanya mwenyego chakusang’hana. 7 Filipo kamwidika, "Hata chahawa na sente kwechekweche, havidahika kugula ndiya ya kuwenela wanhu wano wose na chila munhu yabokele chihande chidogo." 8 Mwaluko imwe mwa waja waluko wake, yokemigwa Andelea, wa tata imwe na Simoni Petulo, kamlongela Yesu, 9 "Hano hana mbwanga yali na migate mitano na somba waidi, mbali ino haidaha kuwenela wose." 10 Yesu kalonga, "Walongeleni wanhu wakale hasi." Haja hakala na mayani mengi, baho wanhu waja walume wadile wobita elufu tano. 11 Baho Yesu kaisola ija migate, kamwing’ha Mulungu hewela, na kuwagolela wanhu wose wakalile haja, na katenda ivo kwa waja somba na chila munhu kabokela chija chiyalondile. 12 Wanhu viwegute Yesu kawalongela waluko wake, "Vidondoleni vija vihande va migate mwike hamwe sekevage." 13 Ivo wavidondola vija vihande vose visigale va migate na somba na kumemeza vigelo kumi na vidi.