Lucas 1

Ulagusi wa Zakalia

67 Nayo Zakalia tataake imwana, kabokela udaho wa Muhe wa Mulungu, kalagusa ga Mulungu Usenga ulawa kwa Mulungu, kalonga,

68 "Yatogoligwe Mndewa, Mulungu wa Izilaeli,

kwavija kawezila wanhu wake na kuwalohola.

69 Nayo kaching’ha mlohozi,

muulelo wa Daudi mtumigwa wake.

70 Kama viyalongile kubitila milomo ya walagusi wa Mulungu yawabagule kwa mbuli yake baho umwaka,

71 kua kochihonya kulawa kwa wahasanyi wetu

na kulawa mmakono ga waja wochihila,

72 ili kulagusa unovu kwa tata zetu, na seke yaisemwe Lagano jake dinang’hane ng’hani,

73 laliko kama diyamlalike tata yetu Abulahamu kwa kuilahila,

74 kochihonya kulawa mmakono ga wahasanyi zetu,

kochidahiza kumsang’hanila bila kudumba,

75 kwa kukala ubanzi wake na kutogoligwa kumwake,

mmazua gose ga ugima wetu.

76 Nagweye mwanangu, kokemigwa Mlagusi wa Mulungu yeli hachanha ng’hani,

kwavija komulongolela Mndewa na kumtandila nzila kwa mbuli yake,

77 kuwalongela wanhu wake kua woloholigwa

kubitila kwa kulekeseligwa malozo gao.

78 Kwa mbuli ya uhole na ubazi wa Mulungu wetu, na bung’hulo da ulohozi wake wochibung’hulila kulawa kuchanha.

79 ili uwabung’hulile waja wose wokala mdiziza na wagubikigwe na ziza da ifa,

na kulongoza magulu getu muinzila ya utindiwala."