Mateus 17

Yesu komuhonya mbwanga yambule chinyamkela

14 Viwauvikile kaidi dija bumbila da wanhu munhu imwe kamuwinza Yesu, kamtumbalila mavindi, 15 kalonga, "Mndewa, monele bazi mwanangu kwa vija kana utamu wa kugwa, kaidi kodununzika ng’hani, mala nyingi iyo kogwa mmoto hebu mmazi. 16 Nimgala kwa waluko wako mbali wapotigwa kumhonya." 17 Yesu kedikila, "Mweye ulelo wa ubananzi na ulekile kutogola! Nokala na mweye mbaka lini? Nowafunyila moyo mbaka lini? Ngaleni hano iyo mwana!" 18 Yesu kamkomokela Mwenembago nayo kamlawa, na ija mbwanga kahona saa iija.