Mateus 18

Mtaze munhu yahaloza

15 "Ndugu yako yahakusovula, genda kamlongele usovu wake mwahawa muiyeka. Yahakutegeleza mokua muilumba na iyo ndugu. 16 Yahalema kukutegeleza, sola munhu imwe hebu waidi hamwe na gweye, manake mbuli ihaloligwa na wanhu waidi hebu wadatu, chila mbuli ilongigwa yokala goya. 17 Yahalema kuwategeleza bumbila da wanhu womtogola Kilisito, na kama hategeleza bumbila da wanhu womtogola Kilisito, na yawe kumwako kama mhazi na mgoga kodi.

Mbuli ya kufunga na Kufungula

18 "Nowalongeleni kweli, chimfunga muuisi chofungigwa Kuulanga kwa Mulungu, na chomfungula muuisi chofunguligwa Kuulanga kwa Mulungu. 19 Kaidi nowalongeleni, waidi mmwenu wahaitogolela hano muuisi kwa mbuli yoyose yumpula, Tata yangu wa kuulanga kwa Mulungu kowasang’hanila ivo. 20 Kwa vija hohose haja waidi wahaiting’hanila kwa mbuli yangu, niye na hamwe nao."