Matthew 3

Duipumketeibe John lampui kelamlui

1 Cidau tingdau duipumketeibe John Judea hetaideu gade mide ledeu gwang eh ranggai, 2 "Helungnreu lulo, kedanemene tinggim hegwangram nnadi delu." 3 Kedanemene mina aipaude caihakecibe Isaiah ne rang kegaibe deda,

"Mige hetaideu gade sahbakla,

‘Rampaube lampui mtei lulo,

pe lampuidung tei mzuilu.’"✝3:3 Isa. 40:3

4 John aipau de ut mai le pe paini tei nah teigeu kiakang pekia ga kang teula. Pe taktyei au tangrim nah heliadui.✝3:4 2 Heg. 1:8 5 Pecai Jerusalem, nah Judea pelane, nah Jordan Reu twakengwa cuikui pelane gade mina peda gwang. 6 Penui maudung petlu eh pa penuide Jordan Reu gade duipum teibeu.