Êxodo 2

5 ताहां फारोअ पोऱ्यी नील नोयीइ मेरे उंगली आवयी. तियीइ पावरी पोऱ्यी नोयीइ मेरे फिऱ्या कोअतीते. ताहां तियी उसा दुंग्लामेहें ते टोपली देख्यी आन तियीइ पावरीहीं ते टोपली लेत हाद्यी. 6 जाहां ते टोपली उगाड़ीत कोइत देख्यी, ताहां एक रोड़त्लोज पोऱ्यो देख्यो, ताहां तियीही कीइमाय आयी आन तियी कोयो, "ओं तोम एखा इब्रीइ पोर्‍यू ओय."

7 ताहां तिया पोऱ्याअ बोअह्हीं फारोअ बेटिह्हीही कोयो, "आंय जात कोइत या पोऱ्याहा बुजी पिवाड़ीत सेके एहेलिही एखू इब्री बोईंहीं हादीत लेतावो के?"

8 फारोअ बेटिह्ही कोयो, "जा." ताहां ते पोऱ्यी जात कोइत तिया पोऱ्याअ आयहीही हादीत लेत आवयी. 9 फारोअ बेटिह्ही तियीही कोयो, "तु या पोऱ्याहा लेत जात कोइत माआ काजे बुजी पिवाड़्या कोअजी, आन आंय ताहूं मोजरी आपिहीं." ताहां ते बोईं तिया पोऱ्याहा लेत जात कोइत बुजी पिवाड़ी वोल्यी.