1 ताहां यहोवा मोशेहे कोयो, "जो वेवारो आंय फारोअरी कोअहीं तो ओमें तु देखही. हुदाअलीज माआ वोडी सेक्ती पालित कोइत तो तुमुहूं जाअहूं देय."

2 देवे मोशेहे कोयो, "आंय यहोवा होय. 3 आंय सर्वसेक्तिमान देवोअ नावसे अब्राहाम, इसाहाक, आन याकोबोहो दर्शन आपतुतो, पोन यहोवाआ नावसे आंय तियांपोअ प्रगट नाहां ओवू.✝6:3 उत्प 17:1; 28:3; 35:11; निर्ग 3:13-15; उत्प 14:22 4 आन आंय तियांआं आरी माआ शप्पत मजबुत कोअयीही, मोन्जे कनान देसोम जियामेहें ते पारके ओत कोइत रोतेते, तियांहां तो आपी देंव✝6:4 उत्प 15:18; 17:7 5 इस्राएली जियांहां मिसरवाले माअहें गुलामीमेहें मेकतेहे, तियांआं तारासो बाप्तिमेहें उनाइत कोइत आंय माआ शप्पत ओर कोअयीही. 6 याअ कोअते तू इस्राएल वालाहां को, ‘आंय यहोवा होय, आन आंय मिसरीइ वोजाआ निसे रोत काडीहीं, आन तियांआं गुलामगिरीम रोत वासाडीहीं, आन माआं आथ नांबू कोइत आन तियांहां वोडू डोंड आपित कोइत तुमुहूं सोड़वीहीं, 7 आन आंय तुमुहूं माआं माअहें बोणावीइलोअ काजे हादीत लेहीं, आन आंय तुमाआं देव ठरिहीं; आन तुमू जाईंत लेहा के आंय तुमाआं यहोवा होय जो तुमुहूं मिसरवालाआं दाबावोअ निसे रोत काडीत लेतायू, 8 आन जिया देसोहो आपीइलाअ शप्पत आंय अब्राहाम, इसाहाक, आन याकोबोअरी खादीते, तियामेहें आंय तुमुहूं पोताड़ीत कोइत तियाहा तुमाआं ताबाम कोई देहीं, आंय ते यहोवा होय.’" 9 ए गोठी मोशे इस्राएलोहो उनाड़्यी, पोन तियें मोनोअ सिंता आन गुलामगिरीइ तारासोवाअहीं तियाआ ने उनाअये.

10 ताहां यहोवा मोशेहे कोयो, 11 "तु जात कोइत मिसरोअ राजा फारोहो को के तो इस्राएल माअहोंहों तियाआ देसोम रोत निहींत जाअहूं देअहूं जोवे."

12 पोन मोशे यहोवाहा कोयो, "पाल, इस्राएलोअ माअहें माआ ने उनाये; ताहां फारो माआ सारखा तोतर्‍याआ केहें कोइत उनाये?"

13 ताहां यहोवा मोशेहे आन आरोनोहो हुकूम आप्यू: "इस्राएल माहुंहूं आन मिसरोअ राजा फारोहो को के मी इस्राएल माअहोंहों मिसर देसोम रोत बाहर काडीत लेत जाअलोअ आदेश आपी देदुहू."

14 तियांआं डायहांआ घराणाआ मुख्य माटी ए होय: इस्राएलोअ डायु पोर्‍यु, रूबेनोअ बेटुह्हू: हानोक, पल्लू, हेस्रोन, आन कर्म्मी; यांवाअहीं रूबेनोअ कुटुंबो निहींयो. 15 शिमोनोअ बेटुह्हू: यमूएल, यामीन, ओहोद, याकीन आन सोहार, आन एक कनानी बायीइ पोऱ्यु शाऊल; तियांमेहें रोत शिमोनोअ कुटुंबो निहींयो.✝6:15 उत्प 40:10 16 लेवीइ बेटाह्हा जियावाअहीं तियांआं पारवाड़ी साल्यी ते, तियांआं नाव ए होय; मोन्जे गेर्शोन, कोहात आन मरारी; आन लेवीइ एक होवेन सदोतीस वोरह्ये जिवयू.✝6:16 गणती 3:17; उत्प 40:8-13 17 गेर्शोनोअ पोऱ्या लिबनी आन शिमी ओता जियां वाअहीं तियांआं पारवाड़ साल्यी. 18 कहातोअ पोऱ्या: अम्राम, यिसहार, हेब्रोन आन उज्जीएल; आन कोहातोअ पुरो वय एक होव तेहेंतीस वोर्ह्ये ओवो.✝6:18 1 इति 6:18 19 मरारीइ पोऱ्या: महली आन मूशी. लेवीइ कुटुंबो जियां वाअहीं तियांआं पारवाड़ी साल्यी.

20 अम्रामे तियाआ फुयी योखबेद यीइरी वेहेवाल कोअल्यो आन तियीइ आरोन आन मोशे उबज्या; आन अम्रामोअ पुरो वय एक होव सदोतीस वोरहोअ ओवी. 21 यिसहारोअ पोऱ्या: कोरह, नेपेग, आन जिक्री. 22 उज्जीएलोअ पोऱ्या: मिशाएल, एलसापान आन सित्री.

23 आरोन आम्मीनादाबोओ पोऱ्यी, आन नहशोनोअ बोअह्हीं, एलिशेबाअ आरी वेहवाल कोअयो; आन तियाप रोत नादाब, अबीहू, एलाजार, आन ईतामार उब्ज्ये. 24 कोरहोअ पोऱ्या: अस्सीर, एलकाना आन अबीआसाप; आन यांपोअ रोत कोरहोअ जाती निहींयी. 25 आरोनोअ पोऱ्यु एलाजार पुतीएलोअ एकी पोर्‍यीइरी वेहेवाल कोअयो; आन तियीपोअ रोत पिनाहास उबज्यु. तियाप रोत तियाआ जात साल्यी. लेवीइ घराणाअ पारवाड़ीइ मुख्य माटी ओज होय.

26 आरोन आन मोशे ए तेज होय जियांहां यहोवा देवे ओ आदेश आप्युतो; "इस्राएलोहो टोला टोला कोइत मिसरोम रोत बारथे काडा." 27 ए तेज मोशे आन आरोन होय जिये मिसरोअ राजा फारोहो कोयो के आमू इस्राएलोहो मिसर मेहें रोत काडीत लेत जाहूं.

28 जेहेलाम प्रभु यहोवा मिसर देसोम मोशेहे ए गोठ कोअयी, 29 तिया तियाहा कोयो, "आंय यहोवा होय; तियाह काजे जो किबी आंय ताहूं कोहीं तों आखो मिसरोअ राजा फारोहो कोजी."

30 पोन मोशे यहोवाहा उत्तर आप्यो, "आंय ते गोगीइलाम तोतर्‍यू होय; आन फारो केहें कोइत माआ उनाये."