उत्पत्ती 45

योसेफ सोताआ बाप्तिम तियाआ पायहोंहों कोत्लू

1 ताहरुउ योसेफ तियां आखाअ जागे जे तियाआ आहने उबा रोत रोयाते, सोताहा रुकीत नाहां सेकू; आन आअड़ीत कोइत कोयो, "माआ जागर्‍याअ आखा माअहुंहूं बारथे काडी द्या." पायहोंअ सामने सोताआ बाप्तिम कोइलाआ वेले योसेफोअ आरी बिहीरो कोडोज ने रोयो.✝45:1 प्रेशित 7:13 2 ताहां तो आअडी आअडीइ रोड़ू वोल्यू; मिसरी माअहें तियाआ रोडीइलाअ आवाज उनाअये, आन फारो राजाअ कोअ बी याअ खबर पोती. 3 ताहरुउ योसेफ तियाआ पायहोंहों कोनु वोल्यू, "आंय योसेफ होये, माआ आब्हू ओमे जाआं जिवतुज होय के?" याअ उत्तर तियाआ पाही नाहां आपीत सेक्या; काहाके ते तियाआ सामने बित गोयाते.