34 "Mmangange miho, mitima jinunji ikoto kutopelwa na umomi gwa kulokolila, na kung’wee ugembe na kupupulikila nnani ja umomi. hata lichobha helyo lipakubhokela kwa kung’ang’anuka handa ntambo pagutangila chinyama. 35 Kwa kubhee lichobha helyo lipakwahikila bhandu bhoa bhabhatama pachilambo poha. 36 Ncheange na kujopa machobha goha, kongo mwajope Annoongo machobha goha ili nkombolange kuokoka kwa haga goha gagapakubhokela, na nkombolange kujema nnoongi ja Mwana bha Amundu."