યોહાન 14

21 જેમની પાસે મારી આજ્ઞાઓ છે અને જેઓ તેને પાળે છે, તે જ મારા પર પ્રેમ રાખે છે. તે મારા પર પ્રેમ રાખે છે, તેના પર મારા પિતા પ્રેમ રાખશે. અને હું પણ તેમના પર પ્રેમ રાખીશ અને પોતાને તેમની આગળ પ્રગટ કરીશ."

22 ત્યારે યહૂદા (યહૂદા ઇશ્કરિયોત નહિ), કહ્યું, પણ "પ્રભુ, તમે પોતાને અમારી સમક્ષ પ્રગટ કરશો અને જગત સમક્ષ નહિ એનું શું કારણ?"

23 ઈસુએ જવાબ આપ્યો, "જેઓ મારા પર પ્રેમ કરે છે તેઓ મારો બોધ પાળશે. મારા પિતા તેઓ પર પ્રેમ કરશે, અને અમારું ઘર તેમની સાથે બનાવીશું. 24 જે મારા પર પ્રેમ રાખતો નથી, તે મારો બોધ પાળતો નથી. જે વચનો તમે સાંભળો છો તે મારા પોતાના નથી, પણ બાપે જેણે મને મોકલ્યો છે તેના છે.