માથ્થી 9

ઈસુ મરેલી દીકરીને સજીવન કરે છે અને માંદી સ્ત્રીને સાજી કરે છે

18 જયારે તેઓ આ કહેતાં હતા, ત્યારે સભાસ્થાનના એક અધિકારીએ આવીને તેમને પગે પડીને કહ્યું, "મારી દીકરી હમણાં જ મરણ પામી છે. પણ આવીને તમારો હાથ તેના પર મુકો એટલે તે જીવતી થશે." 19 ઈસુ ઊઠીને તેની સાથે ગયા, અને તેમના શિષ્યો પણ ગયાં.

20 ત્યાર પછી એક સ્ત્રી જેને બાર વરસથી રકતસ્ત્રાવનો રોગ હતો તેણે પાછળથી આવીને તેમનાં ઝભ્ભાની કીનારીને સ્પર્શ કર્યો; 21 તેણે મનમાં કહ્યું, "જો હું માત્ર તેમના ઝભ્ભાને સ્પર્શ કરું, તો હું સાજી થઈશ."

22 ઈસુએ ફરીને તેને જોઈને, તેમણે કહ્યું "દીકરી, હિંમત રાખ! તારા વિશ્વાસે તને સાજી કરી છે." અને તે જ ક્ષણે સ્ત્રી સાજી થઈ ગઈ.

23 ઈસુ સભાસ્થાનનાં અધિકારીના ઘરમાં પ્રવેશ્યાં અને ટોળાને કકળાટ કરતાં અને વાંસળી વગાડતા લોકોને જોયા. 24 તેમણે કહ્યું, "બહાર જાવ, છોકરી મરી નથી ગઈ પણ ઊંઘે છે." પણ તેઓએ તેમને હસી કાઢયાં. 25 લોકોના ટોળાને બહાર મોકલવામાં આવ્યા પછી, તેઓ અંદર ગયા અને છોકરીને હાથથી પકડી, અને તે ઊઠી. 26 આ સમાચાર આખા પ્રદેશમાં ફેલાઈ ગયા.