Lucas 1

11 Pa, ephongo* ɛmɔɔ ɛ Bɔkɔta apaseli Sakaliya otema ba lulu la Kanamombe. Aemalaki o likasa ja loome ja Alɔtalɛ*, ango achumbaki bako ichwa.

12 Ango aɛni Sakaliya ephongo*, aitwe la ndawa ike. 13 Kinaki, ongo ephongo* aosimeli: «Sakaliya, kɔlawake, aliko Kanamombe ombooka malɔmbi baɛ. Waajabɛ Elisabeti akondo kootela bɔna ɔmɔɔ ɔnɛ aŋunyeya wɛɛ Yɔani. 14 Akondo yala la libɛla linɛnɛ la banto ike bakondo wɛɛbɛya o mbotama yande. 15 Ongo bɔna akondo yala bonto bɔnɛnɛ otamboka ba Bɔkɔta. Phanywaki difai aɔ baana lalikuli*1.15 Ɔsɔmɛ Jaali 6.3.. Akondo ojamaka Lɔkɛngɛ Lɔɛlɔ manja oloko o likundu ja nyɛŋɛnde.

16 «Akondo baucha ba Isilaeli ike ele Bɔkɔta Kanamombe abɔ*1.16 Ɔsɔmɛ Malaki 2.6.. 17 Akonoanda wɛɛnte bɔkwɛɛ ba Kanamombe. La mɛnyama la nkulu ya Lɔkɛngɛ wɛɛnte wɛɛni* Eliya. Akondo uŋanya baoti la bana baɔ. Akondo engola basolo ba bale phaaimeya Kanamombe*, aliko baba nkulu ya mbeya besao wɛɛnte banto bale balɔti otamboka ba Kanamombe. Ŋaanɛ akondo o kicheya Bɔkɔta banto ba mbɔwɛɛbɛya».