Bomanu ba Bafalisayɔ* la boso ngɛja Kɔdi
9 Laango Yesu aoki bomanu waango baikanyisaki njala baso sɔlɔ otamboka ba Kanamombe la njala bataelolela bankinɛ. Ango Yesu abaokeli bongo bomanu: 10 «Luina lɔmɔɔ banto baphee bachwe e lulu la Kanamombe nɔmba Kanamombe. Ɔmɔɔ aiki Mufalisayɔ*, la onkinɛ aiki bongɛjisi a kɔdi. 11 Ongo Mufalisayɔ* aemali, la nɔmba Kanamombe o lisolo jande nte: ‹Haa Kanamombe ami, mbokosakoya, aliko lemi phalayalaka wɛɛnte banto bankinɛ. Bako bayalaka nde baiyi lonkinɛ balimbi, lonkinɛ baso loseka. Lonkinɛ mbokosakoya aliko lemi lapha wɛɛnte ɔnɛ bongɛjisi a kɔdi. 12 Mala iphee ɔmpɔsɔ, nkɛɛka malɔmbi ba nkila ndɛ. Lonkinɛ mpashaka mpato ya bikambwa lalikuli bi baaka lemi›.
13 «Kinaki bongɛjisi a kɔdi ndako aemali bɔɔ, koo mbɔsɔna nende nsakola baiso bande e loola. Kinaki, wiiki too ataphome bakasa e ntolo ende la nkangi, ɔ nɔmba ŋandi nte: ‹Haa Kanamombe ami, ɔmɛnɛlɛ ŋandi lemi boso njambi›»!
14 Ango Yesu ɔlɔndi nte: «Mbokosimela nyo nte, ɔnɛ bongɛjisi a kɔdi autoli e lulu la Kanamombe ɔmbɔwɛɛna njala boso sɔlɔ otamboka lande. Kinaki, ongo Mufalisayo* ndako jɛ. Aliko kila ongo oiyuuleyaka akondo kicheyamaka. Kinaki ongo wiikicheyaka ndako, akondo uleyamaka».
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)