Yesu omwingela e Yɛlusalɛma la bokuchu
28 Eleko Yesu asili ndako nɔnda bengo besao, amemeisa lɔkɛndɔ lande nchwa ɛ Yɛlusalɛma, ole otamboka la banto. 29 Aiye ndako sukɛlɛ la bɔsɛngɛ ba Betefage la Beteniya, boleka ba bɔɔkɔ ba Miseituni. Atomi baeki* bande baphee la mbwasimela nte: 30 «Chwaka nyo wɔɔsɛngɛ bole otamboka lanyo. Aiya nyo kako, akondotana nyo bɔnkɛta ba mpunda ɔmbɔlɛmama, lonkinɛ ataɛmbaka bonto lalikuli. Lɛmɔla nyo ndako la ombela nyo ndako anɛ. 31 La iya onto akuumbolake nyo aliko laanke ɔmbɔ ɔlɛmɔla nyo, ucheya nyo ndako nte: ‹Bɔkɔta ɔmbɔ ɔlɔmba›».
32 Bango baeki batomami, bachwe. Batani ŋango baasimeli Yesu. 33 Aiki bako batalɛmɔla ongo bɔnkɛta ba mpunda, bokolo ande abaumboli nte: «Aliko laanke ɛmbɔlɛmɔla nyo ongo bɔnkɛta ba mpunda»? 34 La bako bawuuchisa nte: «Bɔkɔta kɔmbɔ ɔlɔmba».
35 Laango baɔtɔlɛli Yesu ongo bɔnkɛta ba mpunda. Pa baanjisa bisenda bɛɔ aliko lande, pa bawuulisa Yesu aliko lande. 36 Yesu amemeisa ndako lɔkɛndɔ, banto bachwe bataanja bisenda bɛbɔ e mboka19.36 Bayuda baiki bataanja bisenda bɛɔ eleko eebeisaki bako baiyolo ɔ mbɔwɔɔya bokuchu..
37 Yesu asukameli ndako bɔsɛngɛ ba Yɛlusalɛma, o likilikili ja bɔɔkɔ ba Miseituni, baeki bande lalikuli baandi la libɛla la manja nkucha Kanamombe la joi linɛnɛ, aliko la bintɔmpɔ lalikuli bɛɛni bako. 38 Baiki batachu batalɔndɛ:
«Achwelame bochwako Bɔkɔta ataande e lokombo la Bɔkɔta!
Bii ke yale aliko la loola,
la Kanamombe akuchame19.38 Ɔsɔmɛ Sabuli 118.26.»!
39 Laango Bafalisayɔ bamɔɔ, bango baiki woongo boloi baanto basimeli Yesu nte: «Weekisi, simba baeki baɛ»! 40 Kinaki Yesu abauchisa nte: «Mbokosimela nyo nte, banɛ bakɔwake, babwɛ ko balɔnda»!
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)